ޝަމީމް ވަކި ކުރަން ޖުޑީޝަރީ ކޮމިޓީން ފާސްކޮށްފި
ވަކި ކުރަން ފެންނަކަމަށް 8 މެމްބަރަކު ވޯޓު ދެއްވި
6 މޭއި 2021 ވަނަ ދުވަހު ރައީސް ނަޝީދަށް ސޯލިހަށް ދިން ހަމަލާއާ ގުޅޭ ގޮތުން މައުލޫމާތު ދިނުމަށް ބޭއްވި ނޫސްވެރިންގެ ބައްދަލުވުމުގެ ތެރެއިން
ޕްރޮސެކިއުޓަރ ޖެނެރަލް ހުސައިން ޝަމީމް މަޤާމުން ވަކި ކުރަން ރައްޔިތުންގެ މަޖިލީހުގެ ޖުޑީޝަރީ ކޮމިޓީން ފާސްކޮށްފިއެވެ.
ޖުޑީޝަރީ ކޮމިޓީން އެގޮތަށް ފާސްކޮށްފައިވަނީ މަޤާމުން ވަކި ކުރުމުގެ މައްސަލައިގައި ޖަވާބުދާރީ ވުމުގެ ޖަލްސާ ހުޅުވާލައިގެން ގެންދަން ޝަމީމްއެދިވަޑައިގެންފައިވަނިކޮށް، އެ ފުރުސަތު ދެއްވުމެއް ނެތިއެވެ.
ޝަމީމް ވަކި ކުރަން ފެންނަކަމަށް 8 މެމްބަރަކު ވޯޓު ދެއްވިއިރު، ދެކޮޅަށް ވޯޓު ދެއްވީ 2 މެމްބަރެކެވެ.
ޝަމީމް ވަނީ ބާތުހުމަތުތަކެއްގެމައްޗަށް ސުވާލެއްވެސް ކޮށްލުމެއް ނެތި މަޤާމުން ވަކި ކުރަން އުޅެނީ ކުށްވެރިންނަށް ދެމިގަނެވޭނެ ލޯވަޅުތައް ބަންދުކުރީތީކަމަށް ވިދާޅުވެފައެވެ. ޝަމީމް ވަނީ ކޮމިޓީން އޭނާގެ މައްޗަށް ކުރާ ތުހުމަތުތަކަށްއިންކާރުކޮށްފައެވެ.
