އިތާ އިންޓަރ ރިސޯރޓް ވޮލީބޯޅަ މުބާރާތުގެ ތިންވަނަ ކުޑަފުށި މޯލްޑިވްސް ހޯދައިފި އެވެ.

ފުރަތަމަ މުބާރާތުގެ ފައިނަލްގައި ވާދަކުރި ކުޑަފުށި ތިންވަނަ ހޯދީ, ިތންވަނަ ކަނޑައަޅަން ކުޅުނު މެޗުގައި އާދިއްތަ ދުވަހުގެރޭ ސީދާ ތިން ސެޓުން ހެރިޓެންސް އާރަށް ބަލިކޮށްގެންނެވެ. ކުޑަފުށިން މެޗުގެ ސެޓްތައް ގެންދިޔައީ ފަސޭހަކަމާއެކު އެވެ. އެއީ 25-16, 25-12 އަދި 25-18 ނެވެ. މެޗުގެ މޮޅު ކުޅުންތެރިއަކީ ކުޑަފުށީގެ ރޯޝަން އުދަޔަންގާ އެވެ.

މުބާރާތުގެ ފައިނަލްގައި ވާދަކުރާނީ ޖޯލިބީން އާއި ޖޯލި މޯލްޑިވްސް އެވެ. ފައިނަލް މެޗު ކުޅޭނީ ބުދަ ދުވަހުގެ ރެއެވެ. މިއީ ރ.މީދޫ އެކުވެރި ކްލަބުން އެއަތޮޅުގެ ރިސޯރޓްތަކުގެ މެދުގައި އެރަށުގައި ކުރިއަށްގެންދާ މުބާރާތެކެވެ. މުބާރާތުގައި 8 ރިސޯރޓުން ވާދަކުރެއެވެ.