ސަކާގެ މޮޅު ކުޅުމާއެކު އާސެނަލަށް މޮޅެއް
މެޗުގެ ފުރަތަމަ ހާފުގައި އާސެނަލް އިން އެއް ލަނޑު ޖެހިއިރު، އަނެއް ލަނޑު ޖެހީ ފަހު ހާފުގަ އެވެ.
މެޗުގައި ލަނޑު ޖެހުމަށްފަހު އާސެނަލްގެ ކުޅުންތެރިންނާ އެކު ސަކާ އުފާ ފާޅު ކުރަނީ
އިނގިރޭސި ޕްރިމިއާ ލީގުގައި ވުލްވްސްއާ ދެކޮޅަށް ކުޅުނު މެޗުން މޮޅުވެ، އާސެނަލް އިން ލީގު ފެށުން ރަނގަޅުކޮށްފި އެވެ.
އާސެނަލްގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 2-0 އިންނެވެ. މެޗުގެ ފުރަތަމަ ހާފުގައި އާސެނަލް އިން އެއް ލަނޑު ޖެހިއިރު، އަނެއް ލަނޑު ޖެހީ ފަހު ހާފުގަ އެވެ.
މެޗުގެ 25 ވަނަ މިނެޓުގައި އާސެނަލަށް ލަނޑު ޖަހައި ލީޑު ނަގައިދިނީ ކައި ހަވާޓްޒް އެވެ. އޭނާ އެ ލަނޑު ޖަހަން ފުރުސަތު ތަނަވަަސްކޮށްދިނީ ބުކަޔޯ ސަކާ އެވެ. ދެ ވަނަ ހާފުގައި އާސެނަލްގެ ދެ ވަނަ ލަނޑު ޖެހީ ސަކާ އެވެ. އެ ލަނޑު ޖަހަން ސަކާ އަށް ފުރުސަތު ތަނަވަސްކޮށްދިނީ ހަވާޓްޒް އެވެ.
އާސެނަލް އިން ވަނީ މިދިޔަ ސީޒަންގެ ލީގުގެ ދެ ވަނަ ހޯދައިފަ އެވެ. އެ ޓީމުގެ ފަރާތުން ރަނގަޅު ކުޅުމެއް ފެންނަމުން އަންނައިރު، މިދިޔަ ދެ ސީޒަނުގައި ވެސް އެ ޓީމު ވަނީ ލީގަށް ވާދަކޮށްފަ އެވެ. މި ސީޒަންގެ ލީގުގައި އާސެނަލްގެ ދެ ވަނަ މެޗުގައި އެ ޓީމު ނިކުންނާނީ އެސްޓަން ވިލާއާ ދެކޮޅަށެވެ.
