އިތާ ރިސޯރޓް ވޮލީ: ޖޯލި މޯލްޑިވްސްއަށް ފަސޭހަ ފެށުމެއް

އިތާ އިންޓަރ ރިސޯރޓް ވޮލީބޯޅަ މުބާރާތުގައި ޖޯލި މޯލްޑިވްސް ފަސޭހަ ފެށުމެއް ހޯދައިފި އެވެ.

މުބާރާތުގެ ހަތަރު ވަނަ މެޗު ޖޯލި މޯލްޑިވްސްއިން ކާމިޔާބުކުރީ ހެރިޓެންސް އާރަށާއި ވާދަކޮށް ސީދާ ތިން ސެޓުންނެވެ. މެޗުގެ ސެޓްތައް ޖޯލި މޯލްޑިވްސްއިން ގެންދިޔައީ 25-18, 25-15 އަދި 25-19 ނެވެ. މެޗުގެ މޮޅު ކުޅުންތެރިއަކީ ޖޯލި މޯލްޑިވްސްގެ ތަރިންޑު އެވެ. މިމެޗާއެކު މުބާރާތުގައި ވާދަކުރާ 8 ޓީމުންވެސް ވަނީ އެއް މެޗު ކުޅެ ނިމިފައެވެ.

މީދޫ އެކުވެރި ކްލަބުން ރ.އަތޮޅުގެ ރިސޯރޓްތަކަށް ހުޅުވާލައިގެން ކުރިއަށް ގެންދާ މުބާރާތުގެ ފަސްވަނަ މެޗުގައި ވާދަކުރާނީ މާމުނަގާ އާއި ކުޑަފުއްޓެވެ. މުބާރާތުގެ ފައިނަލް މެޗު ކުޅޭނީ މިމަހުގެ 17 ވަނަ ދުވަހުގެ ރެއެވެ. މުބާރާތުގެ މެޗުތައް ކުޅެނީ ރ.މީދޫ ވޮލީބޯޅަ ކޯޓްގައެވެ.