އިތާ އިންޓަރ ރިސޯރޓް ވޮލީބޯޅަ މުބާރާތް އިންޓަރކޮންޓިނެންޓަލް މާމުނަގާ މޮޅަކުން ފަށައިފިއެވެ.

މީދޫ އެކުވެރި ކްލަބުން އެރަށުގައި ކުރިއަށް ގެންދާ މުބާރާތް މާމުނަގައު މޮޅަކުން ފެށީ ވާދަވެރި ކުޅުމަކަށް ފަހު 3-2 ސެޓުން މީދުއްޕަރު ބަލިކޮށްގެންނެވެ. މާމުނަގާ މެޗު ކާމިޔާބުކުރީ މެޗުގެ ފުރަތަމަ ސެޓް 25-14 ން ފަސޭހަކަމާއެކު މީދުއްޕަރު ގެންގޮސްފައި ވަނިކޮށެވެ. ދެވަނަ ސެޓާއި ތިންވަނަ ސެޓް 25-19, 25-21ން ހޯދާ މާމުނަގާ އިން އުއްމީދު ހޯދިއެވެ. އެކަމަކު ހަތަރުވަނަ ސެޓް 25-23ން މީދުއްޕަރު ގެންދިއުމުން މެޗު އިތުރަށް ވާދަވެރިވެ, ފަސްވަނަ ސެޓެއް ކުޅެން ޖެހުނެވެ. ފަސްވަނަ ސެޓް މާމުނަގާ ކާމިޔާބުކުރީ ފަސޭހަކަމާއެކު 15-7 ނެވެ. މެޗުގެ މޮޅު ކުޅުންތެރިއަކީ އިންޓަރކޮންޓިނެންޓަލް މާމުނަގާގެ އަބްދުލް މާޖިދު އަބުދުލްރަހުމާނެވެ.

މުބާރާތުގައި އަންގާރަ ދުވަހުގެރޭ ވާދަކުރާނީ ހެރިޓެންސް އާރަށާއި, ޖޯލި މޯލްޑިވްސް އެވެ.