ނޮވަކް ޖޮކޮވިޗް ސެމީއަށް، އެކަމަކު އަނިޔާއާއެކު ކަންބޮޑުވުން!

އޮލިމްޕިކްސް ކުޅިވަރު މުބާރާތުގެ ޓެނިހުގެ ސެމީފައިނަލުން ނޮވަކް ޖޮކޮވިޗް ޖާގަ ހޯދި ނަމަވެސް އަނިޔާއާއެކު ނުތަނަވަސްކަން ކުރިމަތިވެއްޖެ އެވެ.

ސްޓެފާނޯސް ބަލިކޮށް, ސެމީފައިނަލަށް ދަތުރުކުރި ނަމަވެސް ޖޮކިވިޗް ނުތަނަވަސްވީ އޭނާގެ ކަނާތު ކަކުލަށް އަނެއްކާވެސް އަނިޔާވުމުންނެވެ. ކުރިން އޮޕަރޭޝަންކުރި ކަކުލަށް ތަދުވެ, ޖޮކޮވިޗް ހުރީ ސެމީފައިނަލް މެޗާމެދު އެއްޗެއް ބުނަން ނޭންގޭ ހާލަތުގައެވެ. ހަތަރު ވަނަ ފަހަރަށް އޮލިމްޕިކްސްގެ ސެމީއަށް ދަތުރުކުރި ޖޮކޮވިޗް ބުނީ ކަކުލުގެ ހާލަތާމެދު ކަންބޮޑުވާ ކަމަށެވެ. ރަނގަޅު މައުލޫމާތު މިވަގުތު ދެވެން ނެތް ކަމަށާއި, އެއީ ހާލަތު އޭނާއަށްވެސް ނޭނގޭތީ ކަމަށް ޖޮކޮވިޗް ބުންޏެވެ. އެކަމަކު މެޗުގެ ދެވަނަ ސެޓްގައި ދަތު އިހުސާސްކުރެވެން ފެށި ކަމަށް ބުންޏެވެ.

ޖޮކިވިޗް ސެމީފައިނަލަށް ދަތުރުކުރީ 6-3, 7-6 ން މެޗު ކާމިޔާބުކޮށްގެންނެވެ. 37 އަހަރުގެ ޖޮކޮވިޗަށް މިހާތަނަށް އޮލިމްޕިކްސްގެ ރަން މެޑަލް ނުހޯދެއެވެ. އެކަމަކު އޭނާ ވަނީ 24 ފަހަރު ގްރޭންޑް ސްލޭމް ކާމިޔާބުކޮށްފައެވެ. ސެމީފައިނަލްގައި ޖޮކިވިޗް ވާދަކުރަން ޖެހޭނީ އިޓަލީގެ ލޮރެންޒޯއާ އެވެ.