ރަޝިއާގެ ފެރީ ބޯޓަކަށް ޔޫކްރެއިންގެ ޑްރޯން ހަމަލާއެއް، އެކަކު މަރުވި
2022 ވަނަ އަހަރު ރަޝިއާ އިން ޔޫކްރެއިން އަށް އެރި ފަހުން ޔޫކްރެއިންގެ ހަމަލާތައް މި ސަރަހައްދަށް މީގެ ކުރިންވެސް ވަނީ ދީފައެވެ.
ޔޫކްރެއިންގެ ސިފައިންގެ މީހަކު އެންޓި ޓޭންކް މައިން އެއް ވެމްޕަޔަރ ކޮމްބަޓް ޑްރޯނަކަށް ގުޅުވަނީ
ރަޝިއާގެ ފެރީ ބޯޓަކަށް ޔޫކްރެއިން އިން ޑްރޯން ހަމަލާ އެއް ދީ އެކަކު މަރުވެ، 5 މީހުން ޒަޚަމްވެއްޖެއެވެ.
އަންގާރަ ދުވަހު ހަމަލާ ދިން ފެރީ ބޯޓު އޮތީ ރަޝިއާ އިން 2014 ވަނަ އަހަރު ހިފާފައިވާ ކްރީމިއާ ސަރަހައްދާ 12 ވަރަކަށް ކިލޯ މީޓަރު ދުރުގައިވާ ރަޝިއާގެ ދެކުނުގެ ކާޗް ސްޓްރެއިޓްގެ ކަވްކާޒް ބަނދަރުގައި ކަމަށް ޓާސް ނިއުސް އެޖޭންސީން ބުނެފައިވެއެވެ.
2022 ވަނަ އަހަރު ރަޝިއާ އިން ޔޫކްރެއިން އަށް އެރި ފަހުން ޔޫކްރެއިންގެ ހަމަލާތައް މި ސަރަހައްދަށް މީގެ ކުރިންވެސް ވަނީ ދީފައެވެ.
ޔޫކްރެއިންގެ ހަމަލާތަކުގައި ކަޅު ކަނޑުގައި ދަތުރު ކުރި ރަޝިއާގެ ބޯޓް ފަހަރަށް މީގެ ކުރިން ބޮޑެތި ގެއްލުންތަކެއް ވަނީ ދީފައެވެ. އެހެން ނަމަވެސް ރަޝިއާގެ ކާޗް ސަރަހައްދަށް މިހާތަނަށް މާ ކާމިޔާބު ހަމަލާއެއް ޔޫކްރެއިން އަށް ދެވިފައިވާ ނުވާކަން މީޑިއާ ރިޕޯޓްތައް ބުނެއެވެ. މި ސަރަހައްދަކީ ރަޝިއާގެ އަސްކަރިއްޔާ އިން ދިފާއު ވަރަށް ވަރުގަދަ ކޮށްފައިވާ ސަރަހައްދެއްކަން ފާހަގަ ކުރެވެއެވެ.
ކާޗް ޕެނިންސުލާ އަކީ ރަޝިއާގެ އަސްކަރިއްޔާގެ މުހިންމު ސަޕްލައި ރޫޓެކެވެ.
