ފުލުހުންގެ ވަޒީފާއަށް ކުރިމަތިލާން ހުޅުވާލައިފި
22 ޖުލައި 2024 | ހޯމަ 07:042024 އޮގަސްޓް 01 ވަނަ ދުވަހުގެ 16:00 ގެ ކުރިން ހުށަހަޅަންޖެހޭ
ފުލުހުންގެ މައި އިދާރާ
ދިވެހި ފުލުހުންގެ ވަޒީފާއަށް ކުރިމަތިލާން ފުރުސަތު ހުޅުވާލައިފިއެވެ.
ފުލުހުން ކުރި އިއުލާނެއްގައި ވަނީ ކޮންސްޓަބަލް، ސާޖަންޓް ގްރޭޑް 1، ސާޖަންޓް ގްރޭޑް 2، ސާޖަންޓް ގްރޭޑް 3، ސީނިއަރ ސާޖަންޓް ގްރޭޑް 1، އަދި ސީނިއަރ ސާޖަންޓް ގްރޭޑް 2 އަށް ކުރިމަތިލުމަށް ހުޅުވާލާފައެވެ.
މި މަޤާމަށް އެދި ހުށަހަޅާ ފަރާތްތަކުން ދިވެހި ފުލުހުންގެ ޚިދުމަތުން ދޫކުރާ ވަޒީފާއަށް އެދި ހުށަހަޅާ ފޯމާއި ވަޒީފާއަށް އެދޭ ފަރާތްތަކުގެ ކުށުގެ ރެކޯޑް ބަލާ ފޯމް ފުރިހަމަކުރުމަށްފަހު ހުށަހަޅަންޖެހޭ ލިޔުންތަކާއެކު 2024 އޮގަސްޓް 01 ވަނަ ދުވަހުގެ 16:00 ގެ ކުރިން ޝަހީދު ޙުސައިން އާދަމް ބިލްޑިންގގެ ރިސެޕްޝަން ނުވަތަ އަތޮޅުތަކުގައި ޤާއިމްކުރެވިފައިވާ ޕޮލިސް ސްޓޭޝަންތަކުގެ ރިސެޕްޝަނަށް ހުށަހެޅުމަށް ވަނީ އެދިފައެވެ.
މި މަޤާމަށް އެދި ހުށަހަޅާ ފޯމްތައް ބަލައިގަންނާނީ ރަސްމީ ބަންދު ނޫން ކޮންމެ ދުވަހެއްގެ މެންދުރު 14:00 އިން 16:00 އަށެވެ.
