ގިނަ ވަގުތު ޚިދުމަތް ލިބޭ ޖިމެއް، ''އާރްޑީ ފިޓްނަސް'' ހުޅުވައިފި

އާރްޑީ ފިޓްނަސް ޖިމް މާލޭގައި ހުޅުވައިފިއެވެ.

އާދިއްތަ ދުވަހު ހުޅުވި މިޖިމަކީ ގިނަ ވަގުތު ހުޅުވާފައި ހުންނަ ޖިމެކެވެ. މި ޖިމް ހުންނާނީ މާލޭގެ ރެހެންދި ހިނގުމުގައެވެ.

އާރްޑީ ފިޓްނަސް ޖިމެއް ގާއިމްކުރެވުނު ގޮތާއި ގުޅޭގޮތުން ޖިމް ހުޅުވުމުގައި އިސްކޮށް ހަރަކާތްތެރިވި އިންސްޓްރަކްޓަރެއް ބުނީ ކުޅިވަރުގެ އާއިލާއެއްގެ ތެރެއިން ޖިމެއް ހުޅުވިގެން ދިއުމަކީ ވަރަށް ބޮޑު އުފަލެއް ކަމަށާއި، 10 އަހަރު ދުވަހުގެ ހުވަފެނެއް ކަމަށެވެ. މީގެ ދެ އަހަރު ކުރިން އާރްޑީ ފިޓްނަސްގެ ނަމުގައި ހަމައެކަނި އަންހެނުންނަށް ޚާއްސަކޮށްގެން ގްރޫޕް ޕިޓްނަސް ޕްރޮގްރާމްތަކެއް ކުރިއަށް ގެންދިޔަ ކަމަށެވެ. އަދި ޖިމެއް ހުޅުވިގެން ދިއުމަކީ ލިބުނު ވަރަށް ބޮޑު ކުރިއެރުމެއް ކަމަށެވެ. މީގެ އިތުރުން ކުރިއަށް އޮތްތަނުގައި އާއްމު ރައްޔިތުންނަށް ދުޅަހެޔޮ ސިއްހަތެއް ހޯދައިދިނުމަށް އިތުރަށް މަސައްކަތް ކުރެވޭނެ ކަމަށް އުންމީދު ކުރާ ކަމަށެވެ.

ޔުނިސެކްސް މި ޖިމްގައި ގިނަ ޕެކޭޖްތައް ހިމެނެއެވެ. އޭގެ ތެރޭގައި ހަމައެކަނި ޖިމް ބޭނުންކުރުމާއި، ޕާސަނަލް އިންސްޓްރަކްޓަރުންނާއެކު ޖިމްގެ ސެޝަންތައް ނެގޭނެއެވެ.

އާރްޑީ ފިޓްނަސް ޖިމްއިން މައުލޫމާތުދޭ ގޮތުގައި މަހަކު 750 ރުފިޔާ ދައްކައިގެން ހެނދުނު 8:30ން 11:00ށް އަދި 14:00ން 16:00ށް އަމިއްލައަށް ޖިމްގައި ކަސްރަތު ކުރަން ބޭނުންވާ މީހުންނަށް އެފުރުސަތު ލިބޭނެ އެވެ. މިއަގުގައި ޚިދުމަތް ލިބިގެންދަނީ އެ ވަގުތަކީ ޕީކް ނޫން ގަޑިއަށް ވާތީ ކަމަށް އެޖިމުން ބުނެއެވެ. އެހެން ވަގުތުތަކުގައި ޖިމް ބޭނުން ކުރުމަށް މަހަކު 1800 ރުފިޔާ ދައްކަން ޖެހޭއެވެ.

މިޖިމާއި ގުޅޭގޮތުން ދިވެހި ފިލްމީ ތަރި ޝީލާ ނަޖީބު އަދި އަންހެން ޕްރެޒެންޓަރު ލަމްހާ ލަތީފް ބުނެފައިވަނީ މި ޖިމަކީ ތަފާތު ޖިމެއް ކަމަށާއި، އެންމެނާ ވެސް އެކުވެރި ޖިމެއް ކަމަށެވެ. މީހާގެ ސިފަ ބަދަލުކޮށްދޭ ނަތީޖާ ނެރެދޭ ޖިމެއް ކަމަށް ބުނެފައިވެއެވެ. އަދި ޖާގަ ތަނަވަސް ކަރަސްތު ކުރުމަށް އައުމަށް އެކަށީގެންވާ މަހައުލެއްކަން ފާހަގަކޮށްފައިވެއެވެ.

އާރްޑީ ފިޓްނަސްއިން ގިނަ ޕްރޮގްރާމްތައް ކުރިއަށް ގެންދާއިރު، އޭގެތެރޭގައި ގްރޫޕް ކްލާސްތަކާއި، ޔޯގާ ކްލާސްތައް، ކާޑިއޯ، ރީހެބް، ވެއިޓް، އެތްލީޓުންނަށް ވެސް ޚާއްސަ ކްލާސްތައް ކުރިއަށް ގެންދެއެވެ.