ގަވާއިދާ ހިލާފަށް އުޅޭ ބިދޭސީން ރިޕޯޓް ކުރުމަށް "އިމިގްރޭޝަން ވޮޗް" ލޯންޗުކޮށްފި

ގަވާއިދާ ހިލާފަށް އުޅޭ ބިދޭސީން ރިޕޯޓް ކުރުމަށް އޮންލައިން ޕްލެޓްފޯމް "އިމިގްރޭޝަން ވޮޗް" ލޯންޗުކޮށްފިއެވެ.

ބުދަ ދުވަހު އިމިގްރޭޝަނުން ބޭއްވި ނޫސްވެރިންގެ ބައްދަލުވުމެއްގައި އިމިގްރޭޝަން ވޮޗް ލޯންޗުކޮށްދެއްވީ ކޮންޓްރޯލަރ ޖެނެރަލް އޮފް އިމިގްރޭޝަން މުހައްމަދު ޝަމްއާން އެވެ.

މި އޮންލައިން ފްލެޓްފޯމާ ގުޅޭގޮތުން ޝަމްއާން ވިދާޅުވީ ކޮންމެ މީހަކަށް ވެސް ގަވާއިދާ ހިލާފަށް އުޅޭ ބިދޭސީންގެ މައްސަލަ ރިޕޯޓު ކުރެވޭނެ ކަމަށާއި، ފޮޓޯއާއި އެހެނިހެން މައުލޫމާތު ވެސް ހިއްސާކުރެވޭނެ ކަމަށެވެ. އަދި މައްސަލަ ހުށަހަޅާ މީހާގެ އައިޑެންޓީ ވެސް ސިއްރުކުރެވޭނެ ކަމަށް އޭނާ ވިދާޅުވިއެވެ.

އިމިގްރޭޝަނުން ބުނީ މިއީ ދުނިޔޭގެ އެހެން ގައުމުތަކުގައި ވެސް ފުޅާ ދާއިރާއެއްގައި އިމިގްރޭޝަންއާ ގުޅުންހުރި އެހެނިހެން ކަންކަމުގައި ރިޕޯޓު ކުރުމަށް ގެންގުޅޭ ބެސްޓް ޕްރެކްޓިސް ކަމަށެވެ. އަދި ފްލެޓްފޯމާއެކު ގިނަ އާއްމު ރައްޔިތުންނާ ގުޅިގެން މަސައްކަތް ކުރެވޭނެ ކަމަށް އުންމީދުކުރާ ކަމަށް އިމިގްރޭޝަނުން ބުނެއެވެ.