ޔުނިފޯމް އެޅި އޮފިސަރުންގެ ޔުނިފޯމް ވިއްކާލުމަކީ ބަލައިގަނެވޭނެ ކަމެއް ނޫން: އިޙްސާން
17 ޖުލައި 2024 | ބުދަ 04:39މިހާރު ޖަލަށްވެސް ބޮޑީ ސްކޭނިންގ މެޝިނެއް ގެނައުމުގެ މަސައްކަތް ކުރަމުންދޭ
ހޯމް މިނިސްޓަރ އަލީ އިޙްސާން
ޔުނިފޯމް އެޅި އޮފިސަރުންގެ ނަޒާހަތްތެރިކަމާމެދު ސުވާލު އުފެދޭ ފަދަ ކަމެއް ހިނގައިގެން ނުވާނެކަމަށާއި، ޔުނިފޯމް ވިއްކާލުމަކީ ބަލައިގަނެވޭނެ ކަމެއް ނޫން ކަމަށް ހޯމް މިނިސްޓަރ އަލީ އިޙްސާން ވިދާޅުވެއްޖެއެވެ.
ބުދަ ދުވަހު ރާއްޖެޓީވީގެ ފަށާއިރު ޕްރޮގްރާމްގައި ވާހަކަ ދައްކަވަމުން މިނިސްޓަރ ވިދާޅުވީ، ޖަލަށް ފޯނާއި މަސްތުވާތަކެތި ވެއްދުމާ ގުޅޭ މައްސަލައިގައި ހައްޔަރުކުރި މުވައްޒަފުންގެ ލޮކަރުތަކުންވެސް ގިނަ އަދަދެއްގެ ފޯނާއި ޗާޖަރުތައް ފެނުނު ކަމަށެވެ.
އޭގެ އިތުރުން، މިފަހުން މި މައްސަލައިގައި އިތުރު އޮފިސަރަކު އަނެއްކާވެސް ހައްޔަރު ކޮށްފައިވާކަމަށް އިޙްސާން ވިދާޅުވިއެވެ. އޭނާގެ ލޮކަރުންވެސް ފޯނާއި ޗާޖަރުތައް ފެނިފައިވެއެވެ.
އިޙްސާން ވިދާޅުވީ، ޔުނިފޯމް އެޅި މުވައްޒަފުންގެ ނަޒާހަތްތެރިކަމާމެދު ސުވާލު އުފެދޭ ފަދަ ކަމެއް ހިނގައިގެން ނުވާނެ ކަމަށާއި، ޔުނިފޯމް ވިއްކާލުމަކީ ބަލައިގަނެވޭނެ ކަމެއް ނޫން ކަމަށެވެ.
އެފަދަ މައްސަލަތައް ސީރިއަސް މައްސަލައެއްގެ ގޮތުގައި ބައްލަވާނެކަމަށް އިޙްސާން ވިދާޅުވިއެވެ.
އިޙްސާން އިތުރަށް ވިދާޅުވީ، ރާއްޖޭގެ ގޭންގުތަކުގެ މައްސަލަ ޙައްލު ކުރެވޭނެކަމުގެ 100 އިންސައްތަ ޔަޤީންކަން އެބައޮތް ކަމަށެވެ. އެގޮތުން އެއްވެސް ބަޔަކާމެދު ފިޔަވަޅު އެޅުމަށް މި ސަރުކާރުން ޖެހިލުމެއް ނުވާނެކަމަށް އިޙްސާން ވިދާޅުވިއެވެ.
އޭގެ އިތުރުން، މިހާރު ޖަލަށްވެސް ބޮޑީ ސްކޭނިންގ މެޝިނެއް ގެނައުމުގެ މަސައްކަތް ކުރަމުންދާ ކަމަށް އިޙްސާން ވިދާޅުވިއެވެ.
