އެޗްއާރުސީއެމްގެ މެންބަރުކަމަށް އީސީގެ ކުރީގެ ނައިބު ރައީސް ހަބީބުގެ ނަން ރައީސް ފޮނުއްވައިފި
އެ ހުށަހެޅުން މިހާރު ވަނީ ރައްޔިތުންގެ މަޖިލީހުގެ ހިއުމަން ރައިޓްސް ޖެންޑާ ކޮމިޓީއަށް ފޮނުވާފައި
އިލެކްޝަންސް ކޮމިޝަން (އީސީގެ) ކުރީގެ ނައިބު ރައީސް އިސްމާއިލް ހަބީބު
އެޗްއާރުސީއެމްގެ މެންބަރުކަމަށް އިލެކްޝަންސް ކޮމިޝަން (އީސީގެ) ކުރީގެ ނައިބު ރައީސް އިސްމާއިލް ހަބީބުގެ ނަން ރައީސް ޑރ މުޙައްމަދު މުއިއްޒު ރައްޔިތުންގެ މަޖިލީހަށް ފޮނުއްވައިފިއެވެ.
އެ މަޤާމަށް ހަބީބު އައްޔަންކުރަން ރުހުން އޮތްތޯ ބެއްލެވުމަށް އެދިވަޑައިގެން ރައީސް ފޮނުއްވެވި ސިޓީ ރައްޔިތުންގެ މަޖިލީހުގެ ހޯމަ ދުވަހުގެ ޖަލްސާގައި ވަނީ އިއްވަވާފައެވެ.
އެކަމާ ގުޅޭ ހުށަހެޅުން މިހާރު ވަނީ ރައްޔިތުންގެ މަޖިލީހުގެ ހިއުމަން ރައިޓްސް ޖެންޑާ ކޮމިޓީއަށް ފޮނުވާފައެވެ.
އެޗްއާރުސީއެމްގެ މެމްބަރު ކަމުގެ މަޤާމު ހުސްވެފައިވަނީ އެ ކޮމިޝަނުގެ ނައިބު ރައީސް ޑރ. އަހުމަދު އަދުހަމް އަބްދުالله އިސްތިއުފާ ދެއްވުމުމާއި ގުޅިގެންނެވެ.
