އޯޒެން ރިޒަރވް ނުވަތަ ކ. ބޮލިފުށީގެ ވެރިޔާ ހުސައިން ޝަރީފް (ބޮލިފުށި ޝަރީފް) ނިޔާވެއްޖެއެވެ.
އޭނާ ނިޔާވެފައި ވަނީ ކުއްލިގޮތަކަށެވެ. އޭނާ ނިޔާވެފައި ވަނީ އައިޖީއެމް ހޮސްޕިޓަލުގައި އެމަރޖެންސީގައި ފަރުވާދެމުންދަނިކޮށެވެ.
އޭނާ ނިޔާވީ އާދިއްތަ ދުވަހުގެ ހަވީރުގެ ވަގުތެއްގައެވެ.
ނިޔާވި އިރު ޝަރީފްގެ އުމުރުފުޅަކީ 60 އަަހަރެވެ.
ޝަރީފަކީ 1994 ވަނަ އަހަރު ވުޖޫދަށް އައި ގޭޓްވޭ މޯލްޑިވްސް ކުންފުނީގެ މައި ހިއްސާދާރެވެ. ބޮލިފުށި ކުއްޔަށް ނަގާފައި ވަނީ ވެސް އެ ކުންފުނިންނެވެ.
ޝަރީފަކީ އިޖްތިމާއީ ކަންކަމާއި ވަކި ވަކި ފަރުދުންނަށް ވެސް އެހީތެރިވެ ވަޑައިގަންނަވާ ބޭފުޅެކެވެ.
