ހިއުމަން ޓްރެފިކް އާ ގުޅޭ ޚާއްސަ އޮޕަރޭޝަންތައް ކުރިއަށް ގެންދަނީ
14 ޖުލައި 2024 | އާދީއްތަ 11:59ޔޫއެސްގެ ޓިޕް ރިޕޯޓު 2024 ގައި ރާއްޖެ ޓީއޯޓޫ ވޮޗް ލިސްޓަށް ވަނީ ލާފައި
ކްރައިމް ސީނެއް ކަން އަންގައިދޭ ޓޭޕް ދަމާފައި
ހިއުމަން ޓްރެފިކްއާ ގުޅޭ ޚާއްސަ އޮޕަރޭޝަންތައް ކުރިއަށް ގެންދާ ކަމަށް ފުލުހުން ބުނެފިއެވެ.
އާދިއްތަ ދުވަހު ބޭއްވި ނޫސްވެރިންގެ ބައްދަލުވުމުގައި އެންޓި ހިއުމަން ޓްރެފިކިން ޑިޕާޓްމަންޓްގެ ހެޑް ވިދާޅުވީ ގަވާއިދާ ހިލާފަށް އުޅޭ ބިދޭސީންގެ މައްސަލަ ހައްލު ކުރުމަށް ޚާއްސަ ޓާސްކް ފޯސްއެއް އެކުލަވާ ކުރިއަށް ގެންދާ ޚާއްސަ އޮޕަރޭޝަންގެ ތެރޭގައި ހިއުމަން ޓްރެފިކިންގެ އޮޕަރޭޝަންތައް ވެސް ކުރިއަށް ގެންދާ ކަމަށެވެ.
އޭނާ ވިދާޅުވީ ޔޫއެސްގެ ޓިޕް ރިޕޯޓު 2024 ގައި ރާއްޖެ ޓީއޯޓޫ ވޮޗް ލިސްޓަށް ލާފައިވާ ކަމަށާއި، ޓީއޯޓޫ ވޮޗް ލިސްޓުން ރާއްޖެ ނެގުމުގެ ގޮތުން ކުރަންޖެހޭ އެންމެހައި މަސައްކަތްތައް ފުލުހުންގެ ޚިދުމަތުން ކުރާނެ ކަމަށެވެ.
މި ރިޕޯޓުގައި ރާއްޖެ ލާފައިވަނީ ޓީއޯޓޫ ވޮޗް ލިސްޓުގެ ދެ ވަނައަށެވެ. ދެ ވަނައަށް ގައުމު ލަނީ، އެގައުމަކުން ހިއުމަން ޓްރެފިކްގެ މައްސަލަތަކުގައި އަދަބު ލިބެންޖެހޭ މީހުންނަށް އަދަބު ނުލިބި، ވިކްޓިމްއަށް ލިބެންޖެހޭ ސަޕޯޓު ނުލިބޭތީއެވެ.
ފުލުހުން ބުނީ މި އޮޕަރޭޝަންތައް ހުއްޓުމެއް ނެތި ކުރިއަށް ގެންދާނެ ކަމަށާއި، މުޅި ރާއްޖޭގައި ރެއިޑް އޮޕަރޭޝަންތައް ބާއްވާނެ ކަމަށެވެ.
