މި ސަރުކާރު ދެން ވެރިކަމަށް އައުމަކީ ނާދިރުކަމެއް ކަމަށް ރައްޔިތުންގެ މަޖިލީހުގެ ބިލެތްދޫ ދާއިރާގެ މެމްބަރު އަހުމަދު ހަލީމް ވިދާޅުވެއްޖެއެވެ.
އޭނާ އެފަދައިން ވިދާޅުވީ ރާއްޖެޓީވީގެ ފަށާއިރު ޕްރޮގްރާމްގައި ވާހަކަދައްކަވަމުންނެވެ.
މި ސަރުކާރާއި މެދު އާއްމުން ތިބީ ވަރަށް ބޮޑަށް ފޫހިވެފައި ކަމަށް އޭނާ ވިދާޅުވިއެވެ.
އަދި ޤާނޫނުތަކަށް ބަދަލު ގެނެސްގެން ވެރިކަމުގައި ހުރުމުގެ ފުރުސަތުވެސް ރައީސް ޑރ.މުހައްމަދު މުއިއްޒު އަށް އޮތް ކަމަށް ޤަބޫލުނުކުރައްވާ ކަމަށް އޭނާ ވިދާޅުވިއެވެ.
އޭނާ ވިދާޅުވީ އެއީ ކުރެވޭނެ ކަމެއް ނޫން ކަމަށާއި އެއީ ބައިނަލްއަޤުވާމީ މުޖުތަމައު އިން ބަލައިގަންނާނެ ކަމެއް ނޫން ކަމަށެވެ.
ރާއްޖެ އަށް ދިމާވި އެންމެ ބޮޑު މައްސަލަ އަކީ ދުނިޔެ ހިނގާ މަގު ދޫކޮށް އެހެން ގޮތްތަކެއް އިޚުތިޔާރުކުރަން އުޅުން ކަމަށް އޭނާ ވިދާޅުވިއެވެ.
މީގެ އިތުރުން އިގްތިސާދީ މަޝްރަހާއި މެދު ވެސް އޭނާ ވަނީ ވާހަކަދައްކަވާފައެވެ.
މިއީ ދެބޯގެރިދުއްވުން ކަންކަން ނުކުރެވުނީމަ. އެއީ އިގްތިސާދު ދަށްވެގެނެއް ނޫޅޭ. ސްޓޭޓް މިނިސްޓަރުންނާއި މީހުން އެބަ އައްޔަން ކުރޭ ކުރާ ވަރަށްމަޖިލީހުގެ ބިލެތްދޫ ދާއިރާގެ މެމްބަރު އަހުމަދު ހަލީމް
އެގޮތުން އިގްތިޞާދު ދަށް ވެފައިވާ ކަމަށް ބުނެ ސަރުކާރުން ދަނީ ދެބޯގެރި ދުއްވަމުން ކަމަށް އޭނާ ވިދާޅުވިއެވެ.
އެ ވާހަކަތަކަކީ އެއީ އިގްތިސާދީ ގޮތުން ނުރައްކަލަކަށް ވައްޓާލާ ފަދަ ވާހަކަތަކެއް ކަމަށް އޭނާ ވިދާޅުވިއެވެ.
އަހަރުން އަހަރަށް ދަރަނި ބޮޑުވުމަކީ ކުރިންވެސް ރާއްޖޭގައި ވާ ކަމެއް ކަމަށާއި ސަރުކާރުތަކުން އަބަދުވެސް އައީ ދަރަނި މެނޭޖްކުރަމުން ކަަމަށް އޭނާ ވިދާޅުވިއެވެ.
