ހުޅުމާލޭގައި ޑައިވިންއަށް ދިޔަ އަންހެނަކު ގެނބިގެން މަރުވެއްޖެ
ގެނބިގެން މަރުވީ 55 އަހަރުގެ ތައިލެންޑްގެ އަންހެނެއް
އަމްނާ އިމާދު | 12 ޖުލައި 2024 | ހުކުރު 13:01
ހުޅުމާލެ ފޭސް 2ގެ ބީޗް ސަރަހައްދު
ހުޅުމާލޭގައި ޑައިވިންއަށް ދިޔަ ތައިލެންޑް އަންހެނަކު ގެނބިގެން މަރުވެއްޖެއެވެ.
ފުލުހުން ބުނީ ހުކުރު ދުވަހު 11:00 ހާއިރު ހުޅުމާލެ މޫދުގައި ޑައިވިންއަށް ގޮސް އުޅުނު ތައިލެންޑްގެ އުމުރުން 55 އަހަރުގެ ބިދޭސީ އަންހެނަކު ގެނބިގެން މަރުވެފައިވާ މައްސަލަ ރިޕޯޓުކޮށްފައިވާ ކަމަށެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.
ދޭތެރެ ދޭތެރެއިން ފަތުރުވެރިން ގެނބިގެން މަރުވާ މައްސަލަތައް ފެންމަތިވެއެވެ.
މިއީ ރާއްޖޭގެ ފަތުރުވެރިކަމަށް އެކަމުގެ ނޭދެވޭ އަސަރުކުރާނެ ކަމެއް ކަމަށާއި، ޑައިވިންއަށް ފަތުރުވެރިން ގެންދިއުމުގައި ކަމާގުޅޭ ފަރާތްތަކުން ޚާއްސަ ސަމާލުކަމެއް ދިނުމަށް އިލްތިމާސް ކޮށްފައިވެއެވެ.
