ފަލަސްތީނުގެ ރައްޔިތުންގެ ހައްގުތައް ހިމާޔަތްކުރުމަށް އަވަސް ފިޔަވަޅުތަކެއް އެޅުމަށް ޝާހިދު އެދިވަޑައިގެންފި
މި ބައްދަލުވުމުގައި ދެބޭފުޅުން ވަނީ ދުނިޔޭގެ އެކި ސަރަހައްދުތަކުގެ އިންސާނީ ހައްގުތަކުގެ ޙާލަތާ ގުޅޭ ގޮތުން މަޝްވަރާކުރައްވާފަ
އެމްޑީޕީގެ ރައީސް އަދި ކުރީގެ ފޮރިން މިނިސްޓަރ ޢަބްދުﷲ ޝާހިދު އާއި އދގެ އިންސާނީ ހައްގުތަކާ ބެހޭ އެންމެ އިސްވެރިޔާ ވޮލްކަރ ޓޫރކް
އެމްޑީޕީގެ ރައީސް އަދި ކުރީގެ ފޮރިން މިނިސްޓަރ ޢަބްދުﷲ ޝާހިދު، އދގެ އިންސާނީ ހައްގުތަކާ ބެހޭ އެންމެ އިސްވެރިޔާ ވޮލްކަރ ޓޫރކް އާ ބައްދަލުކުރައްވައިފިއެވެ.
މިބައްދަލުވުން ބާއްވާފައި ވަނީ ބުރާސްފަތި ދުވަހު ސްވިޓްޒަލެންޑްގެ ޖެނީވާގައި ހުންނަ އދގެ އޮފީހުގައެވެ.
މި ބައްދަލުވުމުގައި ދެބޭފުޅުން ވަނީ ދުނިޔޭގެ އެކި ސަރަހައްދުތަކުގެ އިންސާނީ ހައްގުތަކުގެ ޙާލަތާ ގުޅޭ ގޮތުން މަޝްވަރާކުރައްވާފައެވެ.
ޝާހިދުގެ ވަނީ އިންސާނީ ހައްގުތަކުގެ މުހިއްމުކަމާއި، އަދި އަދުގެ ދުނިޔޭގެ ހައްގުތަކަށް އަރައިގަތުން އިތުރުވެފައިވާ މައްސަލައާމެދު ވާހަކަފުޅު ދައްކަވާފައިެ ކަންބޮޑުވުން ވަކިން ޚާއްސަކޮށް ފަލަސްޠީނުގެ ރައްޔިތުންގެ ހައްޤުތައް ނިގުޅައިގަނެވިފައިވާކަން ފާހަގަކުރައްވައި، އެކަމަށް އަވަސް ފިޔަވަޅުތަކެއް އަޅުއްވައިދެއްވުމަށް، އިންސާނީ ހައްގުތަކާ ބެހޭ އިސްވެރިޔާ އަރިހުން އެދިވަޑައިގަނެފައެވެ.
އދގެ ހައިކޮމިޝަނަރ ފޮރ ހިއުމަންރައިޓްސްގެ ވާހަކަފުޅުގައި، އދގެ ޢާއްމު މަޖިލީހުގެ ރިޔާސަތުގައި ޝާހިދު އިންނެވިއިރު އިންސާނީ ހައްޤުތައް ކަށަވަރުކޮށް ކުރިއެރުވުމަށް ކުރެއްވި ގިނަގުނަ މަސައްކަތްޕުޅުތައް ފާހަގަކުރައްވައި، އެކަމަށް ތަޢުރީފުކުރެއްވިއެވެ. އަދި ރާއްޖޭގެ ޚާރިޖީ ވަޒީރުގެ ހައިސިއްޔަތުން ކުރެއްވި މަސައްކަތްޕުޅާއި، ޝާހިދުގެ ވަޒީރުކަމުގައި ޖެނީވާގައި ދިވެހިރާއްޖެއިން އަދާކުރި އިސް ދައުރަށްވެސް އެމަނިކުފާނު ތަޢުރީފްކުރެއްވިއެވެ.
