ގަލޮޅު ކަންމަތީ އޮތް ވޭނެއްގައި އެއްޗެއް ގޮވާ ޒާތުގެ އަޑެއް، މީހަކަށް އަދި ވޭނަކަށް ގެއްލުމެއް ނުވޭ
9 ޖުލައި 2024 | އަންގާރަ 09:32ފުލުހުން ބުނީ އެ ޙާދިސާގައި އެއްވެސް މީހަކަށް އަނިޔާއެއް ވެފައިނުވާ ކަމަށް
ގަލޮޅު ކަންމަތީ އޮތް ވޭނެއްގައި އެއްޗެއް ގޮވުން
ގަލޮޅު ކަންމަތީ އޮތް ވޭނެއްގައި އެއްޗެއް ގޮވައިގެން ސިފައިން ހަރަކާތްތެރިވާން ފަށައިފިއެވެ.
އެކަމުގެ ރިޕޯޓު ލިބިގެން އެ ސަރަޙައްދުގައި ފުލުހުން ޙަރަކާތްތެރި ވަމުންދާކަމަށް އަންގާރަ ދުވަހުގެ މެންދުރު ފުލުހުން މީޑިއާތަކަށް ފޮނުވި މެސެޖެއްގައި ބުނެފައިވެއެވެ.
ފުލުހުން ބުނީ އެ ޙާދިސާގައި އެއްވެސް މީހަކަށް އަނިޔާއެއް ވެފައިނުވާ ކަމަށެވެ.
އެ ސަރަޙައްދު ކޯޑަންކޮށް މިހާރު ސިފައިންވެސް ޙަރަކާތްތެރި ވަމުންދާކަމަށް ފުލުހުން މައުލޫމާތު ދެއެވެ.
އެ ސަރަޙައްދުގައި ތިބި އާއްމުން ރާއްޖެއެމްވީ އާ ވާހަކަ ދައްކަމުން ބުނީ، އެ ސަރަޙައްދުން އަޑެއް އިވުނު ކަމަށާއި، ނަމަވެސް އެއީ އެހާ ގަދަ އަޑެއް ނޫން ކަމަށެވެ.
މި ޙާދިސާ އާ ގުޅޭގޮތުން އެމްއެންޑީއެފުން ބުނީ، މިފަދަ ޙާދިސާތަކުގައި އާއްމު އުސޫލުން އިޖުރާއަތުތަކާ އެއްގޮތަށް އަމަލު ކުރަމުންދާކަމަށެވެ. އެމްއެންޑީއެފުން މައުލޫމާތު ދޭ ގޮތުގައި މި ޙާދިސާގައި ވޭނަށްވެސް ގެއްލުމެއް ލިބިފައެއް ނުވެއެވެ.
