ރޮމޭނިޔާ 3-0ން ބަލިކޮށް ނެދަލޭންޑްސް ޔޫރޯ ފުޓްބޯޅަ މުބާރާތުގެ ކުއާޓާ ފައިނަލަށް ދިޔަ މެޗުގައި އޭނާ އަށް އެންމެ މޮޅީ މިޑްފީލްޑަރު ޒަވީ ސިމޮންސް ކަމަށް ކޯޗު ރޮނަލްޑް ކޫމަން ބުނެފި އެވެ.
އޭނާ މިހެން ބުނީ ކޯޑީ ގަޕޯ މޮޅަށް ކުޅެ ގޯލެއް ޖަހައި އިތުރު ގޯލެއް ޖަހަން މަގުފަހިކޮށްދީފައިވަނިކޮށެވެ. އަދި ފަހު ހާފުގައި ކުޅެން ނުކުމެ ޑޮންޔެލް މަލެން ދެ ގޯލު ޖަހާފައިވަނިކޮށެވެ.
އަހަރެންނަށް އެންމެ މޮޅީ ޒަވީ ސިމޮންސް. ރޮމޭނިޔާ އަށް އޭނާގެ ސަބަބުން ވަރަށް ގިނަ އުނދަގޫތައް ދިމާވި. އެއީ އޭނާ ރަނގަޅު ޕޮޒިޝަނުގައި ހުރުމާއި ބޯޅައާއެކު ކުރާ ކަންކަން ގިނަވުމުން.ނެދަލޭންޑްސްގެ ކޯޗު ރޮނަލްޑް ކޫމަން
ކޫމަން ބުނީ މެޗުން މޮޅުވީ ކޮންމެ ކުޅުންތެރިއަކު ވެސް މޮޅަށް ކުޅެގެން ކަމަށާއި ނަމަވެސް ޒަވީ ސިމޮންސް ވާހަކަ އޭނާ ދައްކާ ސަބަބަކީ ތަފާތު މޮޅަށް ކުޅެފައިވާތީ ކަމަށެވެ.
ކޯޗު ބުނީ މި މުބާރާތުގައި ޒުވާން މިޑްފީލްޑަރު ދައްކަމުން އަންނަ ކުޅުމުގެ ސަބަބުން އޭނާ ހޯދުމަށް ޔޫރަޕުގެ ބޮޑެތި ކުލަބުން ކުރާ މަސައްކަތުގައި ބައިވެރިނުވާނެ ކަމަށެވެ. މިގޮތަށް އޭނާ ބުނީ ޖަރުމަނުގެ ބަޔާން މިއުނިކުން ޒަވީ ސިމޮންސް ގެންދިއުމަށް ކުރާ މަސައްކަތުގައި ކޫމަންގެ އެހީހޯދާނެ ކަމަށް ނޫސްވެރިން ބުނަމުންދާތީ އެވެ.
އަހަރެން އޭނާ ގާތުގައި ވަކި ކުލަބަކަށް ކުޅެން ބުނާކަށް ނުޖެހޭނެ. އެއީ އަހަރެންނާ ބެހޭ ކަމެއްނޫން. އަހަރެން ބޭނުންވަނީ އޭނާ ގަވާއިދުން ކުޅޭ ކުޅުންތެރިއަކަށްވާން. އެއްވެސް ޓީމެއްގެ ބެންޗުގައި އިންނަންޖެހޭނަމަ އަހަރެން އެކަމާ ވާހަކަ ދައްކާކަން.ނެދަލޭންޑްސްގެ ކޯޗު ރޮނަލްޑް ކޫމަން
ޔޫރޯގެ ސެމީ ފައިނަލްގައި ނެދަލޭންޑްސް ވާދަކުރާނީ ތުރުކީއާ އެވެ.
