މެޗު ބަލަން ނެދަލޭންޑްސްގެ އެއްލައްކަ މީހުން ޖަރުމަނަށް
ޖަރުމަނުގެ ފުލުހުން ބުނީ ޖަރުމަނުގެ މިއުނިކްގައި ކުޅޭ މެޗު ބަލަން ދާ މީހުންނަށް ހާއްސަ އިންތިޒާމްތަކެއް ހަމަޖައްސާފައިވާއިރު ގަވާއިދާ ހިލާފުވާ އެންމެނަށް އަދަބުދޭނެ ކަމަށެވެ. މި ގޮތުން ފޭން ޒޯނުން ބޭރުކޮށް ފޮނުވާލެވޭނެ ކަމަށެވެ.
ނެދަލޭންޑްސްގެ ސަޕޯޓަރުން ޖަރުމަނުގައި
ނެދަލޭންޑްސް އާއި ރޮމޭނިޔާ މިރޭ ކުޅޭ މެޗު ބަލަން ނެދަލޭންޑްސްގެ އެއް ލައްކަ މީހުން ޖަރުމަނަށް ހިނގައްޖެ އެވެ.
ޖަރުމަނުގެ ފުލުހުން ބުނީ ޖަރުމަނުގެ މިއުނިކްގައި ކުޅޭ މެޗު ބަލަން ދާ މީހުންނަށް ހާއްސަ އިންތިޒާމްތަކެއް ހަމަޖައްސާފައިވާއިރު ގަވާއިދާ ހިލާފުވާ އެންމެނަށް އަދަބުދޭނެ ކަމަށެވެ. މި ގޮތުން ފޭން ޒޯނުން ބޭރުކޮށް ފޮނުވާލެވޭނެ ކަމަށެވެ.
މިރޭގެ މެޗު ކުޅޭ މިއުނިކް އޮލިމްޕިކް ސްޓޭޑިއަމަކީ ނެދަލޭންޑްސް މީހުންނަށް ވަރަށް ހާއްސަ ދަނޑެކެވެ. އެއީ 1988 ވަނަ އަހަރުގެ ޔޫރޯ ފުޓްބޯޅަ މުބާރާތް ވެސްޓް ޖާމަނީ ބަލިކޮށް އެމީހުން ކާމިޔާބު ކުރި ދަނޑެވެ. މިހެންވެ މިރޭ އެ ދަނޑުގައި ރޮމޭނިޔާ ބަލިކުރަން އެމީހުން ތިބީ ނުހަނު އިތުބާރާއެކުގަ އެވެ.
ކޯޗު ރޮނަލްޑޯ ކޫމަން ބުނީ އޮސްޓްރިއާ އަތުން ބަލިވި މެޗުގައި ހިނގައިދިޔަ ގޯސް ހުރިހާ ކަމެއް މިހާރު ރަނގަޅު ކުރެވިއްޖެ ކަމަށާއި މިރޭ ކާމިޔާބު ހޯދޭނެ ކަމަށެވެ.
ރޮމޭނިޔާ މިރޭގެ މެޗަށް ނުކުންނައިރު އެމީހުންނަށް މުބާރާތުގެ ދެ ވަނަ ބުރަށް ދިއުން ވެފައިވަނީ ވަރަށް ބޮޑު ކާމިޔާބީއަކަށެވެ. ނަމަވެސް ކޯޗު އިއޯޑެނެސްކޫ ބުނީ އޭނާގެ ޓީމަށް ކުއާޓާ ފައިނަލްގެ ވަސް ދުވާ ކަމަށެވެ.
މި މެޗުން މޮޅުވާ ޓީމެއް ކުއާޓާ ފައިނަލުގައި ވާދަކުރަން ޖެހޭނީ އޮސްޓްރިއާ ނުވަތަ ތުރުކީއާ އެވެ.
