މިހާރު ކުޅެމުންދާ ޔޫރޯ ފުޓްބޯޅަ މުބާރާތުގއި ރެފްރީން ތިބެނީ ބޮޑެތި ޓީމުތަކާ އެއްކޮޅަށް ކަމަށް ހަންގޭރީގެ ކޯޗު މާކޯ ރޮސީ ބުނެފި އެވެ.

ދެ ވަނަ ބުރަށް ދިއުމަށް މިރޭ ކޮންމެހެން މޮޅުވާންޖެހޭ މެޗަކަށް ސްކޮޓްލޭންޑާ ދެކޮޅަށް ދެކޮޅަށް ކުޅޭ މެޗުން ކުރިން އިޓަލީގެ ކޯޗު ބުނީ އޭނާ ބޭނުންވަނީ ތެދު ހަގީގަތް ހާމަކުރަން ކަމަށެވެ.

ޖަރުމަނު މެޗަށް ފަހު ވެސް ކޯޗު ވަނީ ރެފްރީގެ ޝަކުވާކޮށްފަ އެވެ. މިހެންވެ އިއްޔެގެ ނޫސްވެރިންގެ ބައްދަލުވުމުގައި ނޫސްވެރިން ވަނީ މިރޭގެ މެޗުގައި ރެފްރީކަން ކުރަން ނުކުންނަ އާޖެންޓީނާގެ ރެފްރީ ފަކުންޑޯ ޓެއްލޯގެ ކިބައިން އެދެނީ ކޮންކަމެއްތޯ ސުވާލުކޮށްފަ އެވެ.

ކޯޗު ބުނީ އޭނާ އެދެނީ ރެފްރީންގެ ނިންމުންތައް ވަކި ފަރާތަކަށް ނުރެނުވެ ހަމަހަމަކޮށް ބެހެއްޓުން ކަމަށެވެ.

ހަންގޭރީ ވަނީ ޖަރުމަނާއި ސްވިޒަލޭންޑް އަތުން ބަލިވެފަ އެވެ. މިހެންވެ މުބާރާޓުގެ ދެ ވަނަ ބުރަށް ދިއުމުގެ އަމިއްލަ ބާރެއް އެ ގައުމަށް ނެތެވެ. ނަމަވެސް މެޗުން މޮޅުވެގެން ތިން ވަނަ ޓީމެއްގެ ގޮތުގައި ލިބިދާނެ ފުރުސަތަކަށް އިންތިޒާރުކުރެވިދާނެ އެވެ. މިހެންވެ ރޮސީ ބުނީ އޭނާ އެދެނީ ރެފްރީން އިންސާފުވެރިވުމަށް ކަމަށާއި މި މެޗަކީ ދެ ޓީމު ވެސް ނަތީޖާ ނެރެން ކުޅޭ މެޗަކަށްވުމުން މެޗުގެ ވާދަވެރިކަން ބޮޑުވާނެ ކަމަށެވެ.

ސްކޮޓްލޭންޑަށް މިހާތަނަށް ލިބިފައިވަނީ އެންމެ ޕޮއިންޓެކެވެ. ހަންގޭރީ އަށް ދެ މެޗުން ޕޮއިންޓެއް ނުލިބެ އެވެ.