ޤަވައިދާ ޚިލާފަށް ޑޮމެސްޓިކް ޓާމިނަލަށް ގެންދިޔަ ލަގެޖުން ޑްރަގް ފެނުނު މައްސަލައިގައި ހައްޔަރުކުރި މީހާ ޝަރުތުތަކާއެކު ބަންދުން ދޫކޮށްލައިފި
އޭނާ ބޭރުކުރި ލަގެޖުން 5 ކިލޯގެ މަސްތުވާތަކެތި ފެނިފައިވޭ
ވެލާނާ އިންޓަރނޭޝަނަލް އެއާޕޯޓުގެ ޗެކިން ކުރިއަށް ދަނީ
ވެލާނާ އިންޓަނޭޝަނަލް ޓަރމިނަލުން ޤަވައިދާ ޚިލާފަށް ޑޮމެސްޓިކަށް ގެންދިޔަ ލަގެޖެއްގެ ތެރެއިން 5 ކިލޯގެ ޑްރަގް ފެނުނު މައްސަލައިގައި ހައްޔަރުކުރި މީހާ ޝަރުތުތަކާއެކު ބަންދުން ދޫކޮށްލުމަށް ކްރިމިނަލް ކޯޓުން އަމުރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ 32 އަހަރުގެ ދިވެހި ފިރިހެނެކެވެ. އޭނާގެ މައްޗަށް ތުހުމަތު ކޮށްފައިވަނީ އެއާޕޯޓް އިންޓަނޭޝަނަލް ޓާމިނަލުން ޑޮމެސްޓިކް ޓާމިނަލަށް ލަގެޖެއް ބޭރު ކުރުމުގައި ޤަވައިދާ ޚިލާފަށް އަމަލުކޮށްފައިވާ ކަމަށެވެ.
އަދި މި މައްސަލައިގައި އޭނާ ބޭރުކުރި ލަގެޖުން 5 ކިލޯގެ މަސްތުވާތަކެތި ފެނިފައިވާކަމަށްވެސް ބުނެފައިވެއެވެ.
މި މައްސަލައިގައި އޭނާ 15 ދުވަހަށް ބަންދު ކުރުމަށް މީގެ ކުރިން ކޯޓުން އަމުރުކޮށްފައިވެއެވެ. އެ މުއްދަތު ހަމަވުމުން ކޯޓުން ވަނީ އޭނާޝަރުތުތަކާއެކުބަންދުން ދޫކޮށްލާފައެވެ.
