ގްރީން ޒޯންގައި ހުރި ތަކެއްޗަށް ގެއްލުންދީފައި ބަޔަކު ދިޔައިރު އެކަން ރޭކާނުލުމަކީ ނުރައްކާތެރި ސިގްނަލެއް: މޭޔަރ
ޖުމްހޫރީ މައިދާނުގައި ހުރި ލެޑްލައިޓުތަކުން ބައެއް ބުރިކޮށްލައި ބައެއް ތަކެތި ވަަގަށް ގެންގޮސްފައިވާކަމަށް ވިދާޅުވި
ޖުމްހުރީ މައިދާނުގައި ދިއްލާފައި ހުރި ބައެއް އީދު ލައިޓުތަކުގެ ކޭބަލްތައް ވަގަށް ނެގުން
ގްރީން ޒޯންގައި ހުރި ތަކެއްޗަށް ގެއްލުންދީފައި ބަޔަކު ދިޔައިރު އެކަން ރޭކާނުލުމަކީ ނުރައްކާތެރި ސިގްނަލެއްކަމަށް މާލޭ ސިޓީ މޭޔަރު އާދަމް އާޒިމް ވިދާޅުވެއްޖެއެވެ.
ރާއްޖެއެމްވީއާ ވާހަކަ ދައްކަވަމުން މާލޭ ސިޓީ މޭޔަރު އާދަމް އާޒިމް ވިދާޅުވީ، ޖުމްހޫރީ މައިދާނުގައި ހުރި ބޮޑެތި ލެޑްލައިޓުތަކުން ބައެއް ބުރިކޮށްލައި ބައެއް ތަކެތި ވަަގަށް ގެންގޮސްފައިވާ ކަމަށެެވެ.
އާޒިމް އިތުރަށް ވިދާޅުވީ، ޤާނޫނުތައް ތަންފީޒު ނުކުރާހާ ހިނދެއްގައި މި ޤައުމު ހަމައަކަށް ނޭޅޭނޭ ކަމަށެވެ. އެގޮތުން ޤާނޫނު ތަންފީޒު ކުރުމުގައި އެއްވެސް އުޒުރެއް ދެއްކުމެއްނެތި، އިތުރަށް ފަރުވާތެރިވާންޖެހޭކަން އާޒިމް ފާހަގަ ކުރެއްވިއެވެ.
އޭގެ އިތުރުން، ގްރީން ޒޯނަކީ އެންމެ ބޮޑަށް ހިމާޔަތް ކުރެވިފައިވާ އެއް ސަރަޙައްދުކަން ފާހަގަ ކުރައްވައި އާޒިމް އިތުރަށް ވިދާޅުވީ، އެތަނަށް ގެއްލުންދީފައި ބަޔަކު ދިޔައިރު އެކަން ރޭކާނުލުމަކީ ނުރައްކާތެރި ސިގްނަލެއް ކަަމަށެވެ.
އާޒިމް ވިދާޅުވީ، އެއީ ބުރަ މަސައްކަތްތަކެއް ކޮށް، އަދި ބޮޑު ހޭދައެއް ދައުލަތުން ކޮށްގެން ކޮށްފައިވާ މަސައްކަތެއް ކަމަށެވެ.
