މާލީ ހާލަތު ދެނެގަތުމަށް ފިނޭންސް މިނިސްޓަރު މާލިއްޔަތު ކޮމިޓީއަށް ހާޒިރުކުރަނީ
4 ޖޫން 2024 | އަންގާރަ 10:28ބަޖެޓު ފޮތުގަ ބަޔާންކުރާ ގޮތުން ދައުލަތުގެ މާލީ ކަންކަމާ ގުޅޭ އިސްލާހުތައް ޖުލައި 2024ގައި ފަށާނެ
މިނިސްޓަރ އޮފް ފިނޭންސް މުހައްމަދު ޝަފީގު
ރާއްޖޭގެ މާލީ ހާލަތު މިހާރު އޮތް ގޮތް ދެނެގަތުމަށްޓަކާ މި ސަރުކާުރގެ ފިނޭންސް މިނިސްޓަރު ޑރ. ޑރ. މުހައްމަދު ޝަފީގު ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ހާޒިރުކުރަން، އެ ކޮމިޓީން ފާސްކޮށްފިއެވެ.
އެ ކޮމިޓީން އެގޮތަށް ފާސްކޮށްފައި ވަނީ އަންގާރަ ދުވަހުއެވެ.
އަންގާރަ ދުވަހު ބޭއްވި މާލިއްޔަތު ކޮމިޓީގެ ބައްދަލުވުމުގައި މާލީ ހާލަތު ދެނެގަތުމަށް ވަޒީރު ހާޒިރުކުރަން ހުށަހަޅުއްވާފައި ވަނީ މަޖިލީހުގެ ނައިބު ރައީސް ދިއްގަރު ދާއިރާގެ މެންބަރު އަހުމަދު ނާޒިމްއެވެ.
އެ ހުށަހެޅުމަށް މާލިއްޔަތު ކޮމިޓީގެ ބައްދަލުވުމުގައި ބައިވެރިވިވެވަޑައިގެންނެވި ހުރިހާ މެންބަރުން ވަނީ ތާއީދުކުރައްވާފައެވެ. އަދި ވަޒީރު ހާޒިރުކުރުމަށް ފާސްވީ މެންބަރުންގެ އިއްތިފާގުންނެވެ.
މެމްބަރުން ވަނީ ރާއްޖޭގެ މާލީ ހާލަތު އޮތް ގޮތް ވަރަށް ބޮޑަށް ހާމަވާން ޖެހޭ ކަމަށް އެ ކޮމިޓީގައި ވިދާޅުވެފައެވެ. އަދި އެކަމުގެ ތަފްސީލްތައް އެނގުން މުހިންމު ކަމަށް ވެސް ވިދާޅުވެފައެވެ.
އެ ކޮމިޓީ އަށް މާލީ ވަޒީރު ހާޒިރުކުރުމަށް ފާސްވީ ސަރުކާރު ހިންގާ ޕާޓީ ޕީއެންސީގެ މެމްބަރުންގެ އިތުރުން އެމްޑީޕީގެ 2 މެމްބަރުންގެ ވެސް ތާއީދާއި އެކުގައެވެ.
ބަޖެޓު ފޮތުބަޔާންކުރާ ގޮތުން ދައުލަތުގެ މާލީ ކަންކަމާ ގުޅޭ އިސްލާހުތައް ޖުލައި 2024ގައި ފަށާނެއެވެ. ނަމަވެސް އެކަމާއި ގުޅޭ ތަފްސީލެއް އަދި ސަރުކާރުން ހާމައެއް ނުކުރެއެވެ.
