ސަރުކާރު ޖަވާބުދާރީ ކުރެވެންޖެހޭ ވަގުތުތަކުގައި އެކަން ކުރުމަކީވެސް މަޖިލީހުގެ ދައުރެއް
ޕީއެންސީގެ ޕާލަމެންޓްރީ ގްރޫޕުގެ މެންބަރުން
ޕީއެންސީގެ މެންބަރުން ސަރުކާރުން ގެންގުޅޭހާ ވިސްނުމަކާއެއްގޮތަށް މަސައްކަތް ކުރައްވާނެކަމަށް ގަބޫލުނުކުރައްވާ ކަމަށް އެމްޑީޕީގެ ޕާލަމެންޓްރީ ގްރޫޕުގެ ލީޑަރު އިބްރާހިމް ނާޒިލް ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގްރާމުގައި ވާހަކަ ދައްކަވަމުން ނާޒިލް ވިދާޅުވީ ގާނޫނު އަސާސީ ބައްޓަންވެފައިވަނީ ތިންބާރު ވަކިވެފައިވާ ނިޒާމެއްގެ ގޮތުގައި ކަމަށެވެ. މަޖިލީހުގެ ރައީސް އަބްދުއްރަހީމް އަބްދުﷲ ގެ ވާހަކަފުޅުގައި، ރައީސުލްޖުމްހޫރިއްޔާ ވިދާޅުވާ ހުރިހާ ގޮތަކަށް ކަންތައް ކުރައްވާނެ ވާހަކަ ވިދާޅުވި ކަމަށެވެ. އެއީ ރައްޔިތުންގެ މަޖިލީހުގެ ދައުރަކީ އެއީ ކަމަށް ގަބޫލުނުކުރައްވާ ކަމަށާއި، ސަރުކާރު ޖަވާބުދާރީ ކުރެވެންޖެހޭ ވަގުތުތަކުގައި އެކަން ކުރުމަކީވެސް މަޖިލީހުގެ ދައުރެއް ކަމަށެވެ.
ނަމަވެސް ރިޔާސަތުން ވާހަކަ ދެއްކެވީ އެމަގުން މަސައްކަތް ކުރެވޭނެ ގޮތަކަށް ނޫން ކަމަށާއި، ކުރިއަށް އޮތް ދުވަސްތަކުގައި ޕީއެންސީގެ މެންބަރުން އެކަން އެގޮތަކަށް ނުކުރައްވާނެ ކަމަށެވެ.
ނާޒިލް ވިދާޅުވީ މަޖިލީހުގެ ރައީސް ހުވާކުރުމުގެ ވަގުތާ ހަމައަށްވެސް ހުންނެވީ ރައީސް އޮފީހުގެ މިނިސްޓަރެއްގެ މަގާމުގައި ކަމަށާއި، އެހެންކަމުން އެބޭފުޅާގެ ވިސްނުމުގައި އަދިވެސް ހުރީ ރައީސް އޮފީހުގައި އަދި ރައީސުލްޖުމްހޫރިއްޔާގެ ކަންތައްތަކުގެ ވިސްނުންފުޅު މުޅިންވެސް އަޅުގަނޑަށް ފާހަގަކުރެވުނު ކަމަށެވެ.
ނާޒިލް ވިދާޅުވީ މަޖިލީހުގެ ރައީސް އަބްދުއްރަހީމް މަޖިލީހުގެ ރިޔާސަތާއި ހަވާލުވެ ހުންނެވި ބޭފުޅެއްގެ ހައިސިއްޔަތުން އެ ވިސްނުންފުޅުގައި ވާހަކަ ބައްޓަން ކުރެއްވި ކަމަށާއި، މުޅިންވެސް ފޯކަސް ކުރެއްވީ ރައީސް އޮފީހުގެ މަސައްކަތާއި ދޭތެރޭގައި ކަމަށެވެ.
