ހޮޓަލެއްގައި ބިދޭސީއަކާއި ދިވެއްސަކު ހިންގި މާރާމާރީ: ދިވެހި މީހާގެ ބަންދަށް 7 ދުވަސް
33 އަހަރުގެ ދިވެހި ފިރިހެން މީހާގެ ބަންދަށް ވަނީ 7 ދުވަސް ޖަހާފައި
ޙުސައިން މަޚްތޫމް | 14 މެއި 2024 | އަންގާރަ 11:35
ފުލުހުންގެ މައި ޢިމާރަތް
ހުޅުމާލޭ ހޮޓަލެއްގައި ބިދޭސީއަކާއި ދިވެހި ޒުވާނަކާއި ދެމެދު ހިނގި މާރާމާރީއަކާއި ގުޅިގެން ދިވެހި މީހާ ހައްޔަރުކޮށް ބަންދުކޮށްފިއެވެ.
ފުލުހުން ބުނީ ހުޅުމާލެ ހޮޓަލެއްގައި ދިވެއްސަކާއި ބިދޭސީއެއްގެ މެދުގައި މާރާމާރީއެއް ހިންގާފައިވާ މައްސަލައެއް ހޯމަ ދުވަހުގެރޭ ދަންވަރު 12:26 ހާއިރު ރިޕޯޓްކޮށްފައިވާ ކަމަށެވެ.
އަދި މި މާރީމާރީ ހިންގި 33 އަހަރުގެ ދިވެހި ފިރިހެން މީހާ ހައްޔަރުކޮށްފައިވާ ކަމަށް ފުލުހުން ބުނެއެވެ. އަދި މި މައްސަލައާއި ގުޅިގެން އޭނާގެ ބަންދާމެދު ގޮތެއް ނިންމުމަށް ހުޅުމާލެ މެޖިސްޓްރޭޓް ކޯޓަށް ހާޒިރުކުރުމުން 7 ދުވަހަށް ބަންދުކުރުމަށް އަމުރުކޮށްފައިވާ ކަމަށެވެ.
ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.
