ދެކުނު އެފްރިކާގެ ރައީސް ޒޫމާގެ އިތުބާރު ނެތް ކަމުގެ މައްސަލައިގެ ވޯޓަކީ ސިއްރު ވޯޓެއް!
އިދިކޮޅު ފަރާތްތަކުން ބުނަމުން ދަނީ ރައީސް ޒޫމާގެ މައްޗަށް އިތުބާރު ނެތް ކަމަށް ފާސް ކުރަން ޖެހޭ ކަމަށް
ރައިސް ޖޭޮކޮބް ޒޫމާ
ދެކުނު އެފްރިކާގެ ރައީސް ޖޭކޮބް ޒޫމާގެ މައްޗަށް އެގަުމުގެ ގާނޫނު ހަދާ މަޖިލީހުގައި ނެގޭ އިތުބާރު ނެތް ކަމުގެ ވޯޓަކީ ސިއްރު ވޯޓެއް ކަމަށް ގާނޫނު ހަދާ މަޖިލީހުގެ ރައީސް ވިދާޅުވެއްޖެއެވެ.
ރިޕޯޓުތައް ބުނާ ގޮތުން ރައީސް ޒޫމާގެ މައްޗަށް ނަގާ ވޯޓަކީ ސިއްރު ވޯޓަކަށް ވުމުގެ ސަބަބުން އެމަނިކުފާނުގެ ޕާޓީގެ މެމްބަރުންނަށް ވެސް އެމަނިކުފާނާ ދެކޮޅަށް ވޯޓު ދެއްވުމަށް ފަސޭހަވެގެން ދާނެއެވެ.
ރައީސް ޒޫމާ ނިސްބަތްވެވަޑއިގަންނަވާ ޕާޓީއަކީ އެފްރިކަން ނެެޝެނަލް ކޮންގްރެސް (އޭއެންސީ) އެވެ. އަންގާރަ ދުވަހު ގާނޫނު ހަދާ މަޖިލީހުގައި ރައީސް ޒޫމާގެ މައްޗަށް ނެގޭ އިތުބާރު ނެތް ކަމުގެ މައްސަލައިގެ ވޯޓު ނަގާއިރު އޭއެންސީ ބައެއް އިސްބޭފުޅުން ދަނީ ރައީސް ޒޫމާއަށް ފާޑު ވިދާޅުވަމުންނެވެ.
ވެރިކަމަށް 2009 ގައި ވަޑައިގެންނެވި ރައީސް ޒޫމާ އަށް ވަނީ ބޮޑެތި ކޮރަޕްޝަނުގެ ތުހުމަތުތަކެއް ކުރެވިފައެވެ. އޭއެންސީގެ ވެރިޔާ ކަމުން ޒޫމާ ވަނީ މިއަންނަ ޑިސެމްބަރު މަހު ފައިބައިވަޑައިގަންނަވަން ނިންމަވާފައެވެ.
