ރާއްޖެ
ޑްރަގް ވިޔަފާރި
މާލޭ ކަސްޓޯޑިއަލްއަށް ޑްރަގް ވައްދަން އުޅުނުކަމުގެ ތުހުމަތުގައި ދެމީހަކު ހައްޔަރުކޮށްފި
ދެ މީހުން ވެސް ބުނެފައި ވަނީ އެއީ މީހަކު ބުނެގެން ފައިސާއަށް ކޮށްދިން މަސައްކަތެއް ކަމަށް
ލައިޝާ އަހްމަދު, ރާއްޖެ އެމްވީ | 8 މެއި 2024 | ބުދަ 06:44
މޯލްޑިވްސް ކަރެކްޝަނަލް ސަރވިސް
މާލޭ ކަސްޓޯޑިއަލްއަށް ޑްރަގް ވައްދަން އުޅުނުކަމުގެ ތުހުމަތުގައި ދެމީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައި ވަނީ 41 އަހަރުގެ މީހަކާއި 39 އަހަރުގެ މީހެކެވެ. އެމީހުންގެ މައްޗަށް ކޮށްފައިވަނީ މަސްތުވާތަކެތި ބޭނުންކޮށް، ގެންގުޅުމުގެ ކުށުގެ ތުހުމަތެވެ.
އެމީހުންގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރު ކުރުމުން ކޯޓުން ވަނީ އެ ދެމީހުން ބަންދުކޮށްފައެވެ. އެމީހުންގެ ބަންދުގެ މުއްދަތު ހަމަވާނީ 10 މެއި 2024 ގައެވެ.
ބަންދާމެދު ގޮތެއް ނިންމުމުގެ މަޖިލީހުގައި އެ ދެ މީހުން ވެސް ބުނެފައި ވަނީ އެއީ މީހަކު ބުނެގެން ފައިސާއަށް ކޮށްދިން މަސައްކަތެއް ކަމަށެވެ.
