ނާގަލްސްމަންގެ ކޮންޓްރެކްޓް އާކުރީ ކުލަބުތަކުން އޭނަ ގެންގޮސްދާނެތީ : ޖަރުމަނު އެފްއޭ
20 އެޕްރީލު 2024 | ހޮނިހިރު 09:06އޭނާގެ ކޮންޓްރެކްޓް އާކުރީ 2026ގެ ވޯލްޑްކަޕުގެ ނިޔަލަށް
ޖަރުމަނުގެ ކޯޗު ހޫލިއަން ނާގަލްސްމަން
ގައުމީ ކޯޗު ހޫލިއަން ނާގަންސްމަންގެ ކޮންޓްރެކްޓް އާކުރީ ކުލަބުތަކުން އޭނާ ބޭނުންވެގެން އުޅޭވަރުން އެފުރުސަތު ނުދޭންވެގެން ކަަމަށް ޖަރުމަނު އެފްއޭއިން ބުނެފި އެވެ.
މިދިޔަ އަހަރު ގައުމީ ކޯޗުކަމާ ހަވާލުވި ޒުވާން ކޯޗުގެ ކޮންޓްރެކްޓް އާކުރީ 2026ގެ ވޯލްޑްކަޕުގެ ނިޔަލަށެވެ.
ޖަރުމަނުގެ އެފްއޭގެ ރައީސް ބާންޑް ނިއުއެންޑޯފް ވިދާޅުވީ ޔޫރަޕުގެ ބޮޑެތި ބައެއް ކުލަބުތަކުގެ ކޯޗުކަން މި ސީޒަނަށް ފަހު ހުސްވާތީވެ އޭގެ ތެރެއިން ބައެއް ކުލަބުތަކުން ނާގަލްސްމަން ކޯޗަކަށް ހަމަޖައްސަން އުޅުމަކީ އޭނާގެ ކޮންޓްރެކްޓް އާކުރި މައިގަނޑު ސަބަބު ކަމަށެވެ. ޖަރުމަނުންނާއި ނާގަލްސްމަން ވެސް ކުރިން ނިންމައިގެން ހުރީ އަންނަ ޖޫން މަހު ޖަރުމަނުގައި ބާއްވާ ޔޫރޯ ފުޓްބޯޅަ މުބާރާތުގެ ނަތީޖާ އަށް ފަހު ގައުމީ ކޯޗުގެ ކޮންޓްރެކްޓް އާކުރާ ގޮތަކަށެވެ.
ނާގަލްސްމަން ހޯދުމަށް އެންމެ ބޮޑަށް މަސައްކަތް ކުރަމުންދިޔައީ އޭނާގެ ކުރީގެ ކުލަބު ޖަރު،މަނުގެ ބަޔާން މިއުނިކުންނެވެ. މީގެ އިތުރުން ސްޕޭނުގެ ބާސެލޯނާ އާއި އިނގިރޭސިވިލާތުގެ މެންޗެސްޓާ ޔުނައިޓެޑްގެ ޝޯޓް ލިސްޓުގައި ވެސް އޭނާ ހިމެނެ އެވެ. ހާއްސަކޮށް ބަޔާން މިއުނިކުން އޭނާ އަލުން ގެންދިއުމަށް ދިޔައީ ވަރަށް ބޮޑަށް މަސައްކަތް ކުރަމުންނެވެ. ބަޔާންއިން ނާގަލްސްމަން ވަކިކުރުމުން ކުޅުންތެރިންގެ ތެރޭގައި ވެސް މައްސަލަ ޖެހުނެވެ. އޭނާ އަށް ބަޔާންގެ ތެރެއިން ތާއީދުކުރާ ގިނަ ކުޅުންތެރިންނަކީ ގައުމީ ޓީމުގައި ވެސް ތިބި ސީނިއާ ކުޅުންތެރިންނެވެ.
ނާގަލްސްމަން ބުނީ ކޮންޓްރެކްޓް އާކުރީ ހިތުގެ އަޑިން އެކަަމަށް ބޭނުންވެގެން ކަމަށެވެ.
އޭނާ ބުނީ މިހާރުގެ އަޒުމަކީ އަމިއްލަ ގައުމުގައި ކުޅޭ ޔޫރޯގައި ރަނގަޅު ނަތީޖާއެއް ހޯދުން ކަަމަށެވެ.
