ޕޮއިންޓް ގެއްލުނީ އަމިއްލަ ކުށުން، ރޭހުގައި އޮތުމުން ހިތްހަމަޖެހޭ: ކްލޮޕް

ވާދަވެރި މެންޗެސްޓާ ޔުނައިޓެޑާ ވާދަކޮށް 2-2އިން އެއްވަރުވީ ލިބުނު ފުރުސަތުތައް ބޭނުން ނުކުރެވިގެން ކަމަށާއި ނަމަވެސް ޕްރެމިއާ ލީގުގެ ޗެމްޕިއަންކަން ހޯދަން ވާދަކުރާ ތިން ޓީމުގެ ރޭހުގައި އޮތުމުން ހިތްހަމަޖެހޭ ކަމަށް ލިވަޕޫލުން ބުނެފި އެވެ.

ކޯޗު ޔާގެން ކްލޮޕް ބުނީ މެޗުން މޮޅުނުވެވި ޕޮއިންޓްތަކެއް އަނެއްކާ ވެސް ގެއްލުނީ އަމިއްލަ މިސްޓޭކުން ކަމަށެވެ.

މި މެޗު އެއްވަރުވުމުން ލިވަޕޫލަށް ވަނީ އެއްވަނަ މަގާމު ގެއްލިފަ އެވެ. އެއީ އާސެނަލްއާ ޕޮއިންޓްގެ ގޮތުން ހަމަހަމަވެ ގޯލުގެ ތަފާތުންނެވެ.

ކްލޮޕް ބުނީ އޭނާގެ ފުރަތަމަ ހާފުގައި ލަނޑު ޖަހަން 15 ފުރުސަތު ލިބުނު ކަމަށާއި ޝޫޓިން އަށް ބަލައިފިނަމަ ފުރަތަމަ ހާފުގެ ނަތީޖާ އަކީ 45 ކަމަށެވެ. ނަމަވެސް އޭނާ ބުނީ އެއްވަނަ މަގާމު ގެއްލުނަސް ލިވަޕޫލް ޓޭބަލުގެ ދެ ވަނާގައި އޮތީ ވެސް ކުޅުންތެރިންގެ މަސައްކަތުން ކަމަށެވެ.

އޭނާ އަދި ބުނީ އެއްވަނާގައި އޮތް އާސެނަލް އަކީ މޮޅު ޓީމެއް ކަމަށާއި އެމީހުން އަތުން އެއްވަނަ މަގާމު އަތުލުމަކީ ފަސޭހަކަމަކަށްނުވާނެ ކަމަށެވެ.