ޖަރުމަނުގެ އުއްމީދު މަތި، އިތުބާރުވެސް ބޮޑުވެއްޖެ: ލާމް

މި އަހަރުގެ ޔޫރޯ ފުޓްބޯޅަ މުބާރާތަށް ތައްޔާރުވާ ޖަރުމަނު ގައުމީ ޓީމުގެ އިތުބާރު ބޮޑުވެއްޖެ ކަމަށާއި ޓީމާމެދު ކުރާ އުއްމީދުތައް މަތިވެއްޖެކަމަށް ޖަރުމަނުގެ ކުރީގެ ކެޕްޓަން ފިލިޕް ލާމް ބުނެފި އެވެ.

ޖަރުމަނުގައި ޔޫރޯ ބޭއްވުމުގެ އިންތިޒާމްތައް ހަމަޖައްސާ ކޮމިޓީގެ ޗެއާމަންކަން ވެސް ކުރަމުން އަންނަ ލާމް ބުނީ އެންމެ ފަހުގެ ދެ ވޯލްޑްކަޕާއި ޔޫރޯގައި ޖަރުމަނަށް ކުރިމަތިވި ހިތްދަތިކަން އެންމެ ފަހުން ކުޅުނު ދެ މެޗުގައި ފިލައި ގޮސްފި ކަމަށެވެ. ހާއްސަކޮށް ފްރާންސާ ދެކޮޅަށް ދެއްކި ކުޅުމުން ސަޕޯޓަރުންގެ އުފާވެއްޖެ ކަމަށެވެ.

ހަންސީ ފްލިކް ވަކިކޮށް ހޫލިއަން ނާގަލްސްމަން އަށް ކޯޗުކަން ދިން ފަހުން މިވީ މުއްދަތުގައި ޓީމަށް ބޮޑެތި ކުރިއެރުން ލިބިފައިވާ ކަމަށް ލާމް ގަބޫލުކުރެ އެވެ.

ލާމް އަކީ 2006 ވަނަ އަހަރުގެ ވޯލްޑްކަޕް ޖަރުމަނަށް ކާމިޔާބުކޮށްދިން ކެޕްޓަނެވެ. އޭނާގެ ބެލުމުގެ ދަށޫން ޔޫރޯ އިންތިޒާމް ކުރަމުންދާއިރު މުބާރާތް އޮންނާނީ އަންނަ ޖޫން 14 އިން ޖުލައި 14 އަށެވެ.