އެއާޕޯޓުން ބްރިޖު ހައިވޭގައި ޓެކްސީއެއް، ޓްރެފިކް ފުލުހެއްގެ ގައިގައި ޖެއްސި ޙާދިސާއާ ގުޅިގެން މީހަކު ހައްޔަރުކޮށްފިއެވެ.
މި ޙާދިސާ ހިނގާފައިވަނީ އާދިއްތަ ދުވަހުއެވެ. އެކަމާ ގުޅޭގޮތުން ފުލުހުންގެ ތަރުޖަމާނު އަހުމަދު ޝިފާން ވިދާޅުވީ، ފުލުސް އޮފިސަރުގެ ޙާލު ރަނގަޅު ކަމަށެވެ.
އަދި ކާރު ދުއްވި ފަރާތް ހައްޔަރުކޮށް މައްސަލަ ތަޙްޤީގުކުރަމުންދާކަމަށް ވެސް ފުލުހުން ބުނެފައިވެއެވެ.
މި ޙާދިސާއާ ގުޅޭ ވީޑއޯއިން ފެންނަނީ އެއާޕޯޓުން ބްރިޖު ހައިވޭގައި ދުއްވާފައިދިޔަ ޓެކްސީއެއް، ޓްރެފިކް ފުލުހެއްގެ ގައިގައި ޖެހޭ މަންޒަރެވެ.
