މި ސީޒަނުގެ ގަދަ ހަތަރަކަށް އަރަން ބޭނުންވަނީ ޓީމު ކުރިއަރައިގެން އެކަނި ކަމަށް ޓޮޓެންހަމުގެ ކޯޗު އެންޖޭ ޕޮސްޓެޗެގްލޫ ބުނެފި އެވެ.
އޭނާ މިހެން ބުނީ އިނގިރޭސި ޕްރެމިއާ ލީގުގައި ފުލަމް އަތުން 3-0އިން ބަލިވި މެޗަށް ފަހު ޓޭބަލުގެ ހަތަރުވަނަ މަގާމު ގެއްލި ފަސް ވަނަ މަގާމަށް ވެއްޓުމުންނެވެ. ކުޅުނު 28 މެޗުން މިހާރު ޓޮޓެންހަމަށް ލިބިފައިވަނީ 53 ޕޮއިންޓެވެ. ހަތަރުވަނާގައިވާ އެސްޓަންވިލާ އަށް ލިބިފައިވަނީ 55 ޕޮއިންޓެވެ. ކޮންމެ ޓީމަކަށް ވެސް ބާކީ އޮތީ 10 މެޗެވެ.
އަހަރެން ބޭނުމެއްނޫން ޓީމު ކުރިނާރާނަމަ ގަދަ ހަތަރަކަށް އަރާކަށް. ޓީމު ކުރިއަރައި ވާދަވެރި ޓީމެއް ބިނާ ނުކުރެވޭނަމަ ގަދަ ހަތަރަކަށް އެރުން މުހިންމެއްނޫންޓޮޓެންހަމުގެ ކޯޗު އެންޖޭ ޕޮސްޓެޗެގްލޫ
އޭނާ އަދި ބުނީ މި ސީޒަނުގައި އޭނާ ޓީމާ ހަވާލުވުމަށްފަހު ގެނައި ކުޅުންތެރިން ރަނގަޅު ކުޅުމެއް ދެއްކި ނަމަވެސް އެންމެ މުހިންމު ކަންތައް އަދި ނުކުރެވޭ ކަމަށެވެ.
އެންމެ މުހިންމީ އެއް ފެންވަރެއްގައި ގިނަ މެޗުތަކެއް ކުޅުން. އެކަން ނުކުރެވޭނަމަ އަހަރުމެން ގަދަ ހަތަރަކަށް އެރުމުގެ ބޭނުމެއްނެތް. ލީގެއްގައި އެންމެ މުހިންމުވާނީ އެއް ފެންވަރެއްގައި ގިނަ މެޗުތަކެއް ކުޅެ ވާދަވެރި ޓީމެއް އޮތްކަން ދެއްކުން. އެކަން ނުކުރެވޭނަމަ ގަދަ ހަތަރެއް މުހިންމެއްނޫން. ކޮންމެ މަގާމެއްގައި އޮތަސް ވާނީ ހަމަ އެއްކަމެއްޓޮޓެންހަމުގެ ކޯޗު އެންޖޭ ޕޮސްޓެޗެގްލޫ
ޓޮޓެންހަމުން މި ސީޒަން ފެށީ ވަރަށް ރަނގަޅަށް މެޗުތަކުން މޮޅުވަމުންނެވެ. ނަމަވެސް ސީޒަން މެދަކަށް އެޅުނުއިރު ނަތީޖާތައް ދަށް، ޓީމު ވަނީ ފަހަތަށް ސޮއްސަން ފަށައިފަ އެވެ.
