ނަސާރާ ދީނުގެ ލިޔުންތައް ހިމެނޭ ކާޑުތަކެއް ހިޔާފުލެޓުގެ މެއިލްބޮކްސްއަށްލި ދެ ފަތުރުވެރިއަކު ހައްޔަރުކޮށްފި
އެ މީހުން ރާއްޖެ އައިސްފައިވަނީ ޓުއަރިސްޓް ވިސާގައި
ޙުސައިން މަޚްތޫމް | 27 މާރިޗު 2024 | ބުދަ 08:41
ހިޔާ ފުލެޓުގެ މެއިލްބޮކްސްއަށް އަޅާފައި ހުރި ކާޑުތައް
ނަސާރާ ދީނުގެ ލިޔުންތައް ހިމެނޭ ކާޑްތަކެއް ހިޔާފުލެޓުގެ މެއިލްބޮކްސްއަށް ލި ދެ ފަތުރުވެރިއަކު ހައްޔަރުކޮށްފިއެވެ.
ފުލުހުން ބުނީ ހިޔާފުލެޓްތަކުގެ މެއިލްބޮކްސް ތަކަށް، ދިވެހިރާއްޖޭގެ ދީނީ އެއްބައިވަންތަކަން ހިމާޔަތްކުރުމުގެ ގާނޫނާ ހިލާފު ލިޔުންތަކެއް އެޅި މައްސަލައާއި ގުޅިގެން 2 އަންހެނަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ.
އެ ދެމީހުންނަކީ ޖަރުމަނުވިލާތަށް ނިސްބަތްވާ ދެ މީހުން ކަމަށައި، އެ މީހުން ރާއްޖެ އައިސްފައިވަނީ ޓުއަރިސްޓް ވިސާގައި ކަމަށް ފުލުހުން ބުނެއެވެ.
ފުލުހުން ބުނީ މި މައްސަލައާއި ގުޅިގެން ފުލުހުން ބަލަންޖެހޭ ކަންކަން ބަލަމުންދާ ކަމަށެވެ.
