އުމްރާގެ އަޅުކަމަށް ފުރާ މީހުން ދުރާލާ އެއާޕޯޓަށް ދިއުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އެދިއްޖެއެވެ.
އެމްއޭސީއެލްއިން ބުނީ، އުމްރާގެ އަޅުކަމަށް ފުރުމުގެ ތަޖުރިބާ ވީހާވެސް އޮމާންކަމާއި ފަސޭހަކަމާއެކު ކުރިއަށް ގެންދިއުމަށް އެ ކުންފުނިން މަސައްކަތް ކުރަމުންދާ ކަމަށެވެ.
އެހެންނަމަވެސް އުމްރާގެ އަޅުކަމަށް އެތައް ބަޔަކު ފުރުމަށް ހަމަޖެހިފައިވާތީ، އެއާޕޯޓުގައި ތޮއްޖެހުން ކުޑަ ކުރުމަށް ވީހާވެސް އަވަހަށް ޗެކިންވުމަށް އެމްއޭސީއެލްއިން އެދިފައިވެއެވެ.
އެމްއޭސީއެލްއިން ބުނީ، އުމްރާގެ އަޅުކަމަށް ފުރަން އަންނަ ފަރާތްތަކަށް އެކި މަރުޙަލާތަކުގައި އެހީވުމަށް އެއާޕޯޓުގެ މުވައްޒަފުން ތިބޭނެ ކަމަށެވެ.
