ގިރާވަރުފަޅު ލޭންޑް ޔޫސް ޕްލޭނާގުޅޭ މަޝްވަރާއަށް ގޯތި ލިބުނު މީހުންނާ ބައްދަލުކުރަނީ
ގިރާވަރުފަޅަށް ތައްޔާރުކޮށްފައިވާ ލޭންޑް ޔޫސް ޕްލޭންގެ ޑްރާފްޓެއް ވަނީ ހާމަކޮށްފައި
ގިރާވަރުފަޅުން 169 ހެކްޓަރުގެ ބިން އޮކްޓޫބަރު މަހުގެ ނިޔަލަށް ހިއްކާ ނިންމަނީ
ނިމިދިޔަ ސަރުކާރުގެ ބޯހިޔާވަހިކަމުގެ ސިޔާސަތުގެ ދަށުން ކުރިއަށްގެންދިޔަ ބިންވެރިޔާ ސްކީމުން، ގިރާވަރުފަޅުން ގޯތި ލިބިފައިވާ ފަރާތްތަކާއެކު އެތަނަށް ތައްޔާރުކޮށްފައިވާ ލޭންޑް ޔޫސް ޕްލޭނާ ގުޅޭގޮތުން މަޝްވަރާކުރުމަށް ސަރުކާރުން ނިންމައިފިއެވެ.
ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ މިނިސްޓްރީން ބުނެފައި ވަނީ ގިރާވަރުފަޅުގެ ލޭންޑް ޔޫސް ޕްލޭނާއި ގުޅޭގޮތުން ބާއްވާ އާންމު ބައްދަލުވުމެއް މި ހިނގާ މާރޗް މަހުގެ 27 ވާ ބުދަ ދުވަހު ބޭއްވުމަށް ނިންމާފައިވާ ކަމަށެެވެ. ނަމަވެސް އެ ބައްދަލުވުން ބާއްވާނެ ތަނަކާއި ގަޑި ފަހުން އަންގާނެ ކަމަށް ބުނެފައިވެއެވެ. އެހެންކަމުން ބިންވެރިޔާ ސްކީމްގެ ދަށުން ގޯތި ލިބިފައިވާ ފަރާތްތަކުން މި ބައްދަލުވުމަށް އެ މިނިސްޓްރީން ވަނީ ދައުވަތުދީފައެވެ. މީގެ އިތުރުން މި ބައްދަލުވުމުގައި ބައިވެރިވާ ފަރާތްތަކާއި ހިޔާލު ހުށަހަޅަން ބޭނުންވާ ގިރާވަރުފަޅުން ގޯތި ލިބިފައިވާ ފަރާތްތަކަށް އެ ފުރުޞަތު ދިނުމަށް ވެސް އެ މިނިސްޓްރީން ވަނީ ނިންމާފައެވެ.
ގިރާވަރުފަޅަށް ތައްޔާރުކޮށްފައިވާ ލޭންޑް ޔޫސް ޕްލޭންގެ ޑްރާފްޓެއް އެ ވުޒާރާއިން ވަނީ ހާމަކޮށްފައެވެ. ބޯހިޔާވަހިކަމުގެ މައްސަލަ ހައްލުކުރުމަށް މާލޭ ރަށްވެހިންނަށް މަދުވެގެން 5،000 ގޯތި ދޫކުރަން ނިމިދިޔަ ސަރުކާރުން ނިންމިއެވެ. އަދި ހުޅުމާލެއިން މަދުވެގެން 1,000 ގޯތި، ގުޅިފަޅުން މަދުވެގެން 2,000 ގޯތި އަދި ގިރާވަރުފަޅު ހިއްކައި, އެ ބިމުން ވެސް މަދުވެގެން 2,000 ގޯތި މާލޭ ރަށްވެހިންނަށް ދޭނެކަމަށް ވަނީ ބުނެފައެވެ.
