90 މިނެޓަށް ސަލާހް ފިޓެއްނޫން: ކްލޮޕް
ޕްރެމިއާ ލީގުގެ ކުރިއަށް އޮތް 10 މެޗަށް ސަލާހްގެ މުހިންމުކަން ބޮޑު
ލިވަޕޫލްގެ ކޯޗު ޔާގަން ކްލޮޕް އަދި އެ ޓީމަށް ކުޅެމުން އަންނަ މިޞްރުގެ ކެޕްޓަން މުޙައްމަދު ޞަލާޙު
މެޗުގެ ފުރިހަމަ ވަގުތު ކަމަށްވާ 90 މިނިޓް ކުޅެން ފޯވަޑް މުހައްމަދު ފިޓްނުވާ ކަމަށް ކޯޗު ޔާގެން ކްލޮޕް ބުނެފި އެވެ.
ނަމަވެސް އޭނާ ބުނީ މިދިޔަ ޖެނުއަރީ މަހު މިސުރުގެ ގައުމީ ޓީމަށް ކުޅެނިކޮށް އަނިޔާވި ކުޅުންތެރިތާ ޔޫރޮޕާ ލީގުގައި މިރޭ ސްޕާޓާ ޕްރާގާ ދެކޮޅަށް ފުރަތަމަ 11ގައި ކުޅޭނެ ކަމަށެވެ. ގައުމީ ޓީމަށް ކުޅެނިކޮށް ލިބުނު އަނިޔާއަށް ފަހު ސަލާހް ފުރަތަމަ ފަހަރަށް ކުޅެން ނުކުތީ މިދިޔަ އާދީއްތަ ދުވަހު ޕްރެމިއާ ލީގުގައި ސިޓީ އާއި ލިވަޕޫލް 1-1އިން އެއްވަރުވި މެޗުގަ އެވެ.
އޭނާ އަދި ބުނީ ޓީމުގެ އެންމެ ވިދުންގަދަ ފޯވަޑް ކުރިއަށްހުރި މެޗުތަކަށް ފިޓްކުރުމަށްޓަކައި ސަލާހް ލައްވައި ކުޅުވާނީ ވަރަށް ފަރުވާތެރިކަމާއެކުގައި ކަމަށެވެ. ސަބަބަކީ ދެން އޮތީ ސީޒަނުގެ އެންމެ މުހިންމު ދުވަސްވަރު ކަމަށްވުމުން ސަލާހް ފިޓްކޮށް ހުރުމަށް ބޭނުންވާތީ ކަމަށެވެ.
ސްޕާޓާ ޕްރާގާ ދެކޮޅަށް މިރޭ ލިވަޕޫލުން ނުކުންނާނީ ޕްރެޝަރެއް ނެތި އެވެ. އެއީ މި ދެ ޓީމު ކުޅުނު ފުރަތަމަ ލެގުގެ މެޗު 5-1އިން ލިވަޕޫލް ކާމިޔާބުކޮށްފައިވާތީ އެވެ.
ކްލޮޕް އިތުރަށް ބުނީ ޓީމުގެ މުހިންމު ކުޅުންތެރިން ކަމަށްވާ ކެޕްޓަން ވާޖިލް ވެންޑައިކާއި ކީޕަރު ކޮއިމްހެން ކެލޭހާ އަށް މި މެޗުގައި ދޭނެ ރޯލެއް ނިންމާނީ އެންމެ ފަހު ވަގުތުގައި ކަމަށާއި ޓީމުގައި އަނިޔާގެ މައްސަލަތައް ގިނަކަމުން ފިޓްކޮށްތިބި ކުޅުންތެރިން ލައްވައި ބޭކާރު މެޗުތައް ކުޅުވަން އޭނާ ބޭނުންނުވާ ކަމަށެވެ.
