މާލެ ސަރަހައްދުގައި 20 މިސްކިތެއްގައި ހިފްޒުކޮށް ތާރާވީސް ނަމާދު ކުރާނެ
11 މާރިޗު 2024 | ހޯމަ 17:24މިސްކިތްތަކުގައި އަންހެނުންނަށްވެސް ތަރާވީސް ކުރެވޭ ގޮތަށް އިންތިޒާމުތައް ހަމަޖައްސާފައިވޭ
މާލޭގައި ހުންނަ އިސްލާމީ މަރުކަޒު
މާލެ ސަރަހައްދުގައި ހިފްޒުކޮށް ތާރާވީސް ނަމާދު ކުރާނެ 20 މިސްކިތެއް ކަނޑައަޅައިފިއެވެ.
އެކަން ހާމަކޮށް އިސްލާމިކް މިނިސްޓްރީން ބުނެފައި ވަނީ ހިފްޒު ކުރާ މިސްކިތްތަކާ އެކު ހިފްޒު ނުކޮށް ތާރާވީސް ނަމާދުކުރާ 18 މިސްކިތެއް މިހާރު ކަނޑައަޅާ ނިމިފައިވާ ކަމަށެވެ.
އެގޮތުން މިހާރު ހަމަޖެހިފައިވާ ގޮތުންމާލެއިން 18 މިސްކިތާއި، ހުޅުމާލެއިން 11 މިސްކިތުގައި ހިފްޒުކޮށް ތަރާވީސްކުރާނެ ކަމަށް ވަނީ ބުނެފައެވެ. މީގެ އިތުރުން ވިލިމާލެއިން އެއް މިސްކިތުގައި ހިފްޒުކޮށް ތަރާވީސްކުރާނެއެވެ. ހިފްޒު ނުކޮށް ތާރާވީސް ކުރާނީ މާލޭގެ 13 މިސްކިތަކާއި ހުޅުމާލެއިން ތިން މިސްކިތް އަދި ވިލިމާލެއިން ދެ މިސްކިތުގަ ކަމަށް އެ ވުޒާރާއިން ބުނެއެވެ.
އިސްލާމިކް މިނިސްޓްރީން ވަނީ މާލެ ސަރަހައްދުގައި ތަރާވީސް ކުރުމަށް ދިވެހި 32 ހާފިޒުންނާއި ބިދޭސީ 18 ހާފިޒަކު ހަމަޖައްސާފައެވެ. އެ މިނިސްޓްރީން ބުނީ މިސްކިތްތަކުގައި އަންހެނުންނަށްވެސް ތަރާވީސް ކުރެވޭ ގޮތަށް އިންތިޒާމުތައް ހަމަޖައްސާފައިވާ ކަމަށެވެ.
