އޭސީސީގެ ރަމަޟާންމަހުގެ ރަސްމީ ގަޑިތައް އިއުލާނުކޮށްފި

އެންޓި-ކޮރަޕްޝަން ކޮމިޝަން (އޭސީސީ) ގެ ރޯދަމަހުގެ ރަސްމީ ގަޑިތައް އިއުލާނުކޮށްފިއެވެ.

އާދީއްތަ ދުވަހުގެރޭ އޭސީސީން އެކްސްގައި ކުރި ޕޯސްޓެއްގައި ބުނެފައިވަނީ 1445 ވަނަ އަހަރުގެ ރަމަޟާން މަހާއި ޝައްވާލު މަހުގެ ފުރަތަމަ ހަތް ދުވަހު ކޮމިޝަނުގެ ރަސްމީ ގަޑިއަކީ ހެނދުނު 09:00 ން ފެށިގެން މެންދުރު 13:00 ގެ ނިޔަލަށެެވެ. އަދި ކައުންޓަރު ހުޅުވިފައި ހުންނާނީ ހެނދުނު 09:30 ނެ ފެށިގެނ މެންދުރު 12:30 ގެ ނިޔަލަށެވެ.

މީގެ އިތުރުން އޭސީސީން ބުނެފައިވަނީ، ރަމަޟާން މަހުގެ ފަހު ދިހައިގެ ބަންދު ދުވަސްތަކުގައި، ކޮމިޝަނަށް ހާޒިރުވެގެން ލިޔެކިޔުން ހުށަހަޅަން ބޭނުންވާ ފަރާތްތަކަށް އެ އިންތިޒާމުވެސް ހަމަޖެހިފައިވާ ކަމަށެވެ.