ރޯދަމަހަށް ތައްޔަރުވުމަކީ އުޅޭ ގޭތެރެ ސާފުކުރުން އެކަންޏެއް ނޫން، ދިރިއުޅޭ ވެށި ވެސް ސާފުކުރުން: އާޒިމް
10 މާރިޗު 2024 | އާދީއްތަ 10:15މާލެ ސިޓީގެ ކުނިބުނީގެ މައްސަލައަށް އެއްވެސް ހައްލެއް ހޯދުމަށް ތައްޔާރުވެފައި ނެތްކަން އާޒިމް ފާހަގަކުރެއްވި
މާލެ ސިޓީގެ މޭޔަރު އާދަމް އާޒިމް
ރޯދަމަހަށް ތައްޔާރުވުމަކީ ގޭތެރެ ސާފުކުރުން އެކަނި ނޫންކަމަށާއި ދިރިއުޅޭ ވެށިވެސް ސާފުކުރުންކަމަށް، މާލެ ސިޓީގެ މޭޔަރު އާދަމް އާޒިމް ވިދާޅުވެއްޖެއެވެ.
ކުނިބުނީގެ މައްސަލައާ ގުޅޭގޮތުން އާދީއްތަ ދުވަހު މީޑިއާތަކާ ވާހަކަފުޅުދައްކަވަމުން އާޒިމް ވިދާޅުވީ، މާލޭގައި ގާތްގަނޑަކަށް 150،000ށްވުރެ ގިނަ މީހުން ދިރިއުޅޭކަމަށާއި، މަދު ބަޔަކު ކުރާ ނޭދެވޭ ކަމެއްގެ ސަބަބުން މާލޭގައި ދިރިއުޅޭ އެންމެންނަށް އޭގެ އަސަރު ކުރާނެކަމަށެވެ. މިގޮތުން މާލޭގެ މަގުތަކަށް އަޅާފަހުރި ކުނިބުނީގެ މައްސަލައަކީ މިއަދު ހައްލުނުވެ އޮތް އެންމެ ބޮޑު އެއް މައްސަލަ ކަމަށް އާޒިމް ވިދާާޅުވިއެވެ. މިކަން ހައްލުކުރުމަށްޓަކައި ވެމްކޯއާ ގުޅިގެން މަސައްކަތްކުރަމުން ދާކަމަށްވެސް އާޒިމް ވިދާޅުވިއެވެ.
އާޒިމް އިތުރަށް ވިދާޅުވީ މިހާތަނަށް އައިއިރު މާލެ ސިޓީގެ ކުނިބުނީގެ މައްސަލައަށް އެއްވެސް ކަހަލަ ހައްލެއް ހޯދުމަށް ތައްޔާރުވެފައި ނެތްކަމަށެވެ. އެހެންކަމުން މިކަމަށް ކުރިއަށް އޮތްތަނުގައި ވަރަށް ބޮޑަށް ތައްޔާރުވާން ޖެހޭނެކަމަށް އާޒިމް ވަނީ ބުނެފައެވެ.
މީގެ އިތުރުން ކުރިއަށް އޮތް ދެެތިން ހަތަރު މަސްދުވަސް ތެރޭގައި މާލޭން ކުނި ނެގުމުގެ އިންތިޒާމު ހަމަޖެހި، މި މައްސަލައަށް ހައްލެއް އަންނަ މަންޒަރު ފެނިގެންދާނެކަމުގެ ޔަގީންކަން ދެއްވާކަމަށް އާޒިމް ވިދާޅުވިއެވެ. ނަމަވެސް، މިކަން ކާމިޔާބު ކަމާއެކު ކުރެވޭނީ ރައްޔިތުން މާލެއަށް ކުނިބުނި އެޅުން ހުއްޓާލައިގެން ކަމަށްވެސް އާޒިމް ވިދާޅުވިއެވެ.
އެހެންކަމުން، ރޯދަމަހަށް ތައްޔާރުވުމުގެ ގޮތުން ގޭތެރެ ސާފުކޮށް ކުނިބުނި ބޭރުގައި ނުބެހެއްޓުމަށް އާޒިމް ވަނީ އެދިވަޑައިގެންފައެވެ. ރޯދަމަހަށް ތައްޔާރުވުމަކީ ގޭތެރެ ސާފުކުރުން އެކަނި ނޫންކަމަށާއި، ދިރިއުޅޭ ވެށިވެސް ސާފުކުރުންކަމަށް އާޒިމް ވިދާޅުވިއެވެ.
