ކޭންގެ ހެޓްރިކާ އެކު ބަޔާނަށް 8 ލަނޑުގެ މޮޅެއް
މިހާތަނަށް ކުޅުނު 25 މެޗުން 57 ޕޮއިންޓު ހޯދައިގެން ބަޔާން އޮތީ ދެ ވަނައިގައި
މެޗުގައި ލަނޑު ޖެހުމަށް ފަހު ކޭން އުފާ ފާޅުކުރަނީ
ޖަރުމަނު ލީގުގައި މައިންޒާ ދެކޮޅަށް ކުޅުނު މެޗުން އެންމެ ފަހުގެ ޗެމްޕިއަން ބަޔާން މިއުނިކް މޮޅުވީއިރު، އެ ޓީމަށް ކުޅެމުން އަންނަ އިންގްލެންޑުގެ ކެޕްޓަން ހެރީ ކޭން ހެޓްރިކް ހަދައިފި އެވެ.
ބަޔާންގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 8-1 އިންނެވެ.
މެޗު ފަށައިގެން 13 ވަނަ މިނެޓުގައި ބަޔާން އަށް ލީޑު ނަގައިދިނީ ކޭން އެވެ. ފުރަތަމަ ހާފުގައި ކޭން ދެ ވަނަ ލަނޑެއް ޖެހިއިރު، ތިން ވަނަ ލަނޑު ޖެހީ ދެ ވަނަ ހާފުގަ އެވެ. މެޗުގައި ދެން ބަޔާންގެ ލަނޑުތައް ޖެހީ ލިއޯން ގޮރެޓްޒްކާ، ތޯމަސް މުލާ، ޖަމާލް މުސިއާލާ އަދި ސާޖް ގްނަބްރީ އެވެ. މީގެ ތެރެއިން ގޮރެޓްޒްކާ ވަނީ ދެ ލަނޑު ޖަހައިފަ އެވެ. މެޗުގައި މައިންޒުގެ ހަމައެކަނި ލަނޑު ފުރަތަމަ ހާފުގައި ޖެހީ ނަދެމް އަމީރީ އެވެ.
މޮޅާއެކު ބަޔާން އޮތީ ދެ ވަނައިގަ އެވެ. އެއީ މިހާތަނަށް ކުޅުނު 25 މެޗުން 57 ޕޮއިންޓު ހޯދައިގެންނެވެ. ބަޔާން އަށް ވުރެ އެއް މެޗު މަދުން ކުޅެގެން އެއް ވަނައިގައި ބަޔާ ލެވަކޫސަން އަށް ލިބެނީ 64 ޕޮއިންޓެވެ.
