އަލްފަންސޯ ޑޭވިސް ބެހެއްޓުމަށް ބަޔާނުން ގަދަ އަޅާ މަސައްކަތް ކުރާނެ!

ޖަރުމަނުގެ ބަޔާން މިއުނިކަށް ކުޅެމުން އަންނަ ކެނެޑާގެ ޑިފެންޑަރު އަލްފަންސޯ ޑޭވިސް، އެ ކުލަބުގައި ބަހައްޓަން ގަދަ އަޅާ މަސައްކަތް ކުރާނެ ކަމަށް، ބަޔާންގެ ޑައިރެކްޓަރު މެކްސް އެބާލް ވިދާޅުވެއްޖެ އެވެ.

އުމުރުން 23 އަހަރުގެ ޒުވާން ޑިފެންޑަރު ބަޔާނަށް ބަދަލުވީ 2019 ވަނަ އަހަރު އެވެ. އެ ކުލަބާއެކު އެންމެ ފަހުން އޭނާ ސޮއި ކޮށްފައިވާ އެއްބަސްވުމުގެ މުއްދަތު ހަމަވާނީ އަންނަ އަހަރުގެ ޖޫން މަހުގެ ނިޔަލަށެވެ. އެއްބަސްވުމުގައި ބާާކީ އެއް އަހަރު އޮތްއިރު، ބައެއް ކުލަބުތަކުން އޭނާ ހޯދުމުގެ ޝައުޤުވެރިކަން ގެން ގުޅޭ ކަމަށް މީޑިއާ ތަކުން ވަނީ ރިޕޯޓުކޮށްފަ އެވެ.

އެކަމާ ގުޅޭ ގޮތުން ވާހަކަ ދައްކަމުން އެބާލް ވިދާޅުވީ، އައު ހުށަހެޅުމެއް ނުވަތަ އެއްބަސްވުމެއްގެ ވާހަކަ މިހާތަނަށް އައިއިރު ޑޭވިސްއާ ދައްކާފައި ނުވާނެ ކަމަށެވެ. ނަމަވެސް، އަބަދު ވެސް ޑޭވިސްއާ މެދު އުންމީދު އޮންނާނެ ކަމަށާއި، އެއްބަސްވުން އައު ކުރުމުގެ ވާހަކަ އަކީ ވަރަށް ބޮޑަށް ހުޅުވާލެވިފައި އޮންނާނެ ވާހަކަ އެއް ކަމަށް ވެސް އެބާލް ވިދާޅުވި އެވެ. އެކަން ފާހަގަކޮށް އެބާލް ވިދާޅުވީ، ޑޭވިސްގެ އެއްބަސްވުން އައު ކުރުމުގެ ކަންތަކުގައި އޭނާ އެއްވެސް ދުލެއް ނުދޭނެ ކަމަށާއި، ވަރަށް ބޮޑަށް އެކަމާ މަސައްކަތް ކުރާނެ ކަމަށެވެ.

ބައެއް މީޑިއާ ތަކުގައި ރިޕޯޓުކޮށްފައިވާ ގޮތުން ޑޭވިސް ހޯދުމުގެ ޝައުޤުވެރިކަން ސްޕެއިންގެ ރެއާލް މެޑްރިޑުން ގެންގުޅެ އެވެ. ޑޭވިސް ވަނީ މިހާތަނަށް ބަޔާނަށް 182 މެޗު ކުޅެދީ ނުވަ ލަނޑު ޖަހައިފަ އެވެ. އެ ކުލަބާއެކު އޭނާ ވަނީ 13 ތައްޓެއް ކާމިޔާބު ކޮށްފަ އެވެ. މިހާރު ކުރިއަށްދާ ސީޒަންގައި ވެސް އޭނާ އަކީ ބަޔާންގައި މުހިންމު ކުޅުންތެރިޔެކެވެ.