ވިލިނގިލީގައި ސަފާރީއެއް ބަންނަމުން ދިޔަ އޮޑި ހަރު ގެއެއްގައި ރޯވެއްޖެ

ގއ. ވިލިނގިލީގައި ސަފާރީއެއް ބަންނަމުންދިޔަ އޮޑި ހަރު ގެއެއްގައި ރޯވެއްޖެއެވެ.

ބުދަ ދުވަހުގެ ރޭ ހިނގި މި ހާދިސާގައި ސަފާރީ އެއްކޮށް އަނދައި ހުލިވެފައިވާއިރު، އެއްވެސް މީހަކަށް ގެއްލުމެއް ނުލިބޭ ކަމަށް ފުލުހުން ބުނެފައިވެއެވެ.

އަދި އެ މައްސަލަ ތަހުގީގު ކުރުމަށް ފޮރެންސިކް ފުލުހުންގެ ޓީމެއް އެރަށަށް ދާނެ ކަމަށް ވެސް ފުލުހުން ބުންޏެވެ.

މި ހާދިސާ ހިނގަން މެދުވެރިވި ސަބަބެއް އަދި ހޯދިފައިނުވާއިރު، މި ހާދިސާއާ ގުޅިގެން ލިބުނު ގެއްލުމުގެ މިންވަރެއް ވެސް އަދި އެނގިފައެއް ނުވެއެވެ.