ރާއްޖެ
ކިނބުލެއް ފެނުން
ށ.އަތޮޅު ރަށަކުން ފެނުނު ކިނބޫ އެމްއެންޑީއެފް އާއި ހަވާލުކޮށްފި
ހޮނިހިރު ދުވަހު ފެނުނު ކިބުލަކީ ގާތްގަނޑަކަށް 12 ވަރަކަށް ފޫޓު ދިގު ކިނބުލެއް
ނަޒާހަތު އިބްރާހިމް ރަޝީދު, ރާއްޖެ އެމްވީ | 25 ފެބުރުއަރީ 2024 | އާދީއްތަ 00:43
މިނިސްޓަރ ސައީދު
ށ.އަތޮޅު ރަށަކުން ފެނުނު ކިނބޫ އެމްއެންޑީއެފް އާއި ހަވާލުކޮށްފިއެވެ.
އެ ކިނބޫ ފެނިފައި ވަނީ އެ އަތޮޅުގެ ފަޅު ރަށަކަށް ދިޔަ ބަޔަކަށެވެ.
ފަރުކޮޅު ނަމަކަށް ކިޔާ ފަޅު ރަށަކުން ފެނުނު އެ ކިނބޫ ހިފަން ބަޔަކު މަސައްކަތް ކުރާ މަންޒަރު ފެންނަ ވީޑިއޯ އެއް މީސްމީޑިއާގައި ވަނީ އާއްމުވެފައެވެ.
އެންމެ ފުރަތަމަ ކިނބޫ ހިފަން އުޅުމުން އެ ކިނބޫ ވަނީ މޫދަށް ފައިބާފައެވެ. ފަހުން ފުލުހުންނާއި އާއްމުންވެގެން ކިނބޫ ވަނީ ހިފާފައެވެ. އެމްއެންޑީއެފުން ބުނީ އެ ކިނބޫ ފަރުކޮޅުފުއްޓަށް ގެންދިއުމަށް ހަމަޖެހިފައިވާ ކަމަށެވެ.
މިގޮތަށް ފެންނަ ކިނބޫތައް އާއްމުކޮށް ރާއްޖެއިން ބޭރަށް ދޫކޮށްލައެވެ. ހޮނިހިރު ދުވަހު ފެނުނު ކިބުލަކީ ގާތްގަނޑަކަށް 12 ވަރަކަށް ފޫޓު ދިގު ކިނބުލެކެވެ.
