ކ. މާލެ
|
24 ފެބްރުއަރީ 2024 | ހޮނިހިރު 10:11
މައިންޒާ ދެކޮޅަށް ކުޅުނު މެޗުގައި ލެވަކޫސަންގެ ކުޅުންތެރިން އުފާ ފާޅު ކުރަނީ
މައިންޒާ ދެކޮޅަށް ކުޅުނު މެޗުގައި ލެވަކޫސަންގެ ކުޅުންތެރިން އުފާ ފާޅު ކުރަނީ
ރޮއިޓާސް
ބަޔާ ލެވަކޫސަން
މައިންޒް ބަލިކޮށް، ލެވަކޫސަނުން ރެކޯޑާއެކު ކުރިއަށް
 
މޮޅާއެކު ލެވަކޫސަނުން ވަނީ އެއް ވަނައިގައި 11 ޕޮއިންޓުގެ ލީޑެއް ނަގައިފައި

ޖަރުމަނު ލީގުގައި މައިންޒާ ދެކޮޅަށް ކުޅުނު މެޗުން މޮޅުވެ، ބަޔާ ލެވަކޫސަނުން މޮޅުވުމުގެ ރެކޯޑާއެކު ކުރިއަށް ޖެހިލައިފި އެވެ.

ލެވަކޫސަންގެ އަމިއްލަ ދަނޑުގައި ހުކުރު ދުވަހުގެ ރޭ މައިންޒާ ދެކޮޅަށް ކުޅުނު މެޗު އެ ޓީމުން ކާމިޔާބު ކުރީ 2-1 އިންނެވެ.

މެޗު ފަށައިގެން ތިން ވަނަ މިނެޓުގައި ލެވަކޫސަނުން ވަނީ ލަނޑު ޖަހައި ލީޑު ނަގައިފަ އެވެ. އެ ޓީމަށް ލީޑު ނަގައިދިނީ ގްރަނިޓް ޒަކާ އެވެ. އޭގެ ފަސް މިނެޓު ފަހުން މައިންޒުން ވަނީ ލަނޑު ޖަހައި ނަތީޖާ ހާމަހަމަ ކޮށްފަ އެވެ. ސިލްވަން ވިޑްމާ ތަނަވަސްކޮށްދިން ފުރުސަތެއްގައި މައިންޒަށް ނަތީޖާ ހަމަހަމަ ކޮށްދިނީ ޑޮމިނިކް ކޯރް އެވެ. މެޗުން ލެވަކޫސަން މޮޅުކޮށްދިނީ 68 ވަނަ މިނެޓުގައި ރޮބާޓް އެންޑްރިޗް އެވެ. އޭނާ އެ ލަނޑު ޖެހީ ފްލޯރިއަން ވާޓްޒް ތަނަވަސްކޮށްދިން ފުރުސަތެއްގަ އެވެ.

މޮޅާއެކު ލެވަކޫސަނުން ވަނީ އެއް ވަނައިގައި 11 ޕޮއިންޓުގެ ލީޑެއް ނަގައިފަ އެވެ. އެއީ މިހާތަނަށް ކުޅުނު 23 މެޗުން 61 ޕޮއިންޓާއެކު އެވެ. މި ސީޒަންގެ ޖަރުމަނު ލީގުގައި މިހާތަނަށް ކުޅުނު އެއްވެސް މެޗަކުން އެ ޓީމު ބަލިވެފައި ނުވާއިރު، ޖަރުމަނު ލީގުގައި ބަލި ނުވެ އޮތް ހަމައެކަނި ޓީމަކީ ވެސް އެއީ އެވެ. ލެވަކޫސަނަށްވުރެ އެއް މެޗު މަދުން ކުޅެގެން ދެ ވަނައިގައި އެންމެ ފަހުގެ ޗެމްޕިއަން ބަޔާން މިއުނިކަށް ލިބެނީ 50 ޕޮއިންޓެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
0%
ކޮމެންޓް