އަރިއަތޮޅު ރިސޯޓަކުން ސްނޯކްލިން ކުރަން އުޅުނު ފަތުރުވެރިއެއް ގެއްލިގެން ހޯދަނީ
18 ފެބުރުއަރީ 2024 | އާދީއްތަ 18:51ގެއްލިގެން އުޅެނީ ކޮން ރިސޯޓެއްގެ ފަތުރުވެރިއެއް ކަމެއް ސިފައިން ހާމަކޮށްފައެއް ނުވޭ
އަޙްމަދު ސަދޫފް މޫސާ | 18 ފެބުރުއަރީ 2024 | އާދީއްތަ 18:51
ސިފައިންގެ ކޯސްޓްގާޑްގެ އުޅަނދެއް | އެމްއެންޑީއެފް
އަރި އަތޮޅު (އއ. އަތޮޅު)ގެ ރިސޯޓަކުން ސްނޯކްލިން ކުރަން އުޅުނު ފަތުރުވެރިއެއް ގެއްލިގެން، ހޯދަން ފަށައިފިއެވެ.
އެމްއެންޑީއެފް އިން ބުނީ، އަރިއަތޮޅު ރިސޯޓަކުން ސްނޯކްލިން ކުރަން އުޅުނު ފަތުރުވެރިއެއް ގެއްލިގެން އުޅޭކަމުގެ މަޢުލޫމާތު ލިބިގެން، އެމީހާ ހޯދުމަށް އެމްއެންޑީއެފް ކޯސްޓްގާޑުން ސާޗް އެންޑް ރެސްކިޔު އޮޕަރޭޝަނެއް ފަށައިފި ކަމަށެވެ.
އެހެން ނަމަވެސް ގެއްލިގެން އުޅެނީ ކޮން ރިސޯޓެއްގެ ފަތުރުވެރިއެއް ކަމެއް ސިފައިން ހާމަކޮށްފައެއް ނުވެއެވެ. އަދި އެ ފަތުރުވެރިޔާގެ މައުލޫމާތެއް ވެސް ސިފައިން ހާމަކޮށްފައެއް ނުވެއެވެ.
