މާރާމާރީގެ މައްސަލައެއްގައި ދެ ބިދޭސީއަކު ބަންދު ކުރުމަށް ކްރިމިނަލް ކޯޓުން އަމުރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ ބަންގްލަދޭޝްއަށް ނިސްބަތްވާ 32 އަހަރުގެ ފިރިހެނަކާއި، 25 އަހަރުގެ ފިރިހެނެކެވެ.
އެމީހުންގެ މައްޗަށް ކޮށްފައިވަނީ މާރާމާރީ ހިންގުމުގެ ކުށުގެ ތުހުމަތެވެ.
އެ ދެމީހުންވެސް 15 ދުވަހަށް ބަންދު ކުރުމަށް ކްރިމިނަލް ކޯޓުން ވަނީ އަމުރުކޮށްފައެވެ. އެމީހުންގެ ބަންދުގެ މުއްދަތު ހަމަވަނީ 28 ފެބްރުއަރީ 2024 ގައެވެ.
ބަންދާގުޅޭ އަޑުއެހުމުގައި އެމީހުން ބުނީ، އެމީހުން ސަމާސާ ކުރަމުންގޮސް، ސަމާސާ "ވިހަވެ" އެކަކު އަނެކަކަށް އަނިޔާކޮށް މާރާމާރީ ހިންގުނީކަމަށެވެ.
އަދި އެފަދަ ކަމެއް ދެން ތަކުރާރު ނުކުރާނެކަމަށްވެސް ކޯޓުގައި އެމީހުން ވަނީ ބުނެފައެވެ.
އޭގެ އިތުރުން، ސިސްޓަމްގެ މައްސަލައެއް ދިމާވެގެން، އޭނާއަކީ ޤަވާއިދާ އެއްގޮތަށް އުޅޭ މީހެއްތޯ ނުވަތަ ނޫންތޯ އަދި ޗެކް ނުކުރެވޭކަމަށް ފުލުހުންގެ ފަރާތުން މި އަޑުއެހުމުގައި ފާހަގަކޮށްފައިވެއެވެ.
