ޕޮލިޓެކްނިކްގެ އެހީތެރިކަމާއެކު ފެނަކައިން މުވައްޒަފުން ތަމްރީންކުރަނީ
9 ފެބުރުއަރީ 2024 | ހުކުރު 03:56އެއްބަސްވުމުގައި މޯލްޑިވްސް ޕޮލިޓެކްނިކްގެ ފަރާތުން ސޮއިކުރެއްވީ މަތީ ތައުލީމާއި ބެހޭ ވުޒާރާގެ ޑެޕިއުޓީ މިނިސްޓަރު ޛޫޝާން ކަމާލުއްދީ
ޕޮލިޓެކްނިކްގެ އެހީތެރިކަމާއެކު ފެނަކައިން މުވައްޒަފުން ތަމްރީންކުރަނީ
މަސައްކަތު ދާއިރާއިން ފެނަކަ ކޯޕަރޭޝަން ލިމިޓެޑްގެ މުވައްޒަފުން ތަމްރީންކުރުމަށްޓަކައި މޯލްޑިވްސް ޕޮލިޓެކްނިކާއެކު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގައި މޯލްޑިވްސް ޕޮލިޓެކްނިކްގެ ފަރާތުން ސޮއިކުރެއްވީ މަތީ ތައުލީމާއި ބެހޭ ވުޒާރާގެ ޑެޕިއުޓީ މިނިސްޓަރު ޛޫޝާން ކަމާލުއްދީނެވެ. އަދި ފެނަކައިގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ މެނޭޖިން ޑިރެކްޓަރު ޙުސައިން ޒުހުރީއެވެ.
އެ ކުންފުނިން ބުނީ މި އެއްބަސްވުމުގެ ދަށުން މަސައްކަތްތެރިކަމުގެ ދާއިރާތަކަށް މީހުން ތަމްރީންކުރުމަށް ފަސޭހަވެގެންދާނެ ކަމަށެވެ. އަދި ފެނާއި ނަރުދަމާގެ ޤާނޫނައި ކަރަންޓް އުފައްދައި ފޯރުކޮށްދިނުމުގެ ލައިސަންސް ދޫކުރުމާއި ބެހޭ ޤަވާއިދަށް އެކުންފުނީގެ ޓެކްނިކަލް މުވައްޒަފުން އެއް ހަމަކުރުމުގެ މަސައްކަތް ކުރާނެ ކަމަށް ވަނީ ބުނެފައެވެ.
ހަމައެހެންމެ މި އެއްބަސްވުމުގެ ތެރެއިން ޕޮލިޓެކްނިކްގެ ދަރިވަރުންނަށް ތަޖުރިބާ ފޯރުކޮށްދިނުމުގައި އެހީތެރިކަން ފޯރުކޮށްދިނުމަށް ވަނީ ހަމަޖެހިފައެވެ. އަދި އެއްބަސްވުމުގެ ދަށުން ކުރިއަށް ގެންދިއުމަށް ހަމަޖެހިފައި ވަނީ ސެޓްފިކެޓް ލެވެލް 3 ގެ ކޯސްތަކެއް ކަމަށް ވެސް ފެނަކައިން ވަނީ ބުނެފައެވެ.
