ބޮޑު މޮޅަކާއެކު ދެވަނަ ޑިވިޝަން ފުޓްބޯޅަ މުބާރާތުގެ ސެމީފައިނަލުން ނިއުރޭޑިއަންޓް ޖާގަ ޔަގީންކޮށްފިއެވެ.

ނިއުރޭޑިއަންޓް ސެމީފައިނަލް ޔަގީންކުރީ ކްއާޓާ ފައިނަލްގައި 8-0 ން ކްލަބް ޕީކޭ ބަލިކޮށްގެންނެވެ. މުބާރާތުގައި ނިއުރޭޑިއަންޓް ހޯދި އެންމެ ބޮޑު މޮޅާއެކު ސެމީގައި ވާދަކުރަން ޖެހޭނީ ވިކްޓްރީ ނުވަތަ ކުޑަހެންވެއިރު ޔުނައިޓެޑާއެވެ.

ނިއުރޭޑިއަންޓް ސެމީފައިނަލްގެ ޖާގަ ހޯދީ ކުއާޓަރ ފައިނަލްގައި 8-0 ގެ ބޮޑު ތަފާތަކުން ކްލަބް ޕީކޭ ބަލިކޮށްގެންނެވެ. މިއީ މުބާރާތުގައި ނިއުރޭޑިއަންޓްގެ އެންމެ ތަފާތު ބޮޑު ނަތީޖާއެވެ. ނިއުރޭޑިއަންޓުން ޖެހި 8 ލަނޑުގެ ތެރެއިން 6 ލަނޑު ޖެހީ ފުރަތަމަ ހާފްގައެވެ. މެޗުގައި ނިއުގެ ބިދޭސީ ތިން ކުޅުންތެރިއަކު ދެ ލަނޑު ޖެހިއެވެ. އެއީ ކޯފީއާއި, އުމަރުޔޯނޯފް އަހްރޯރުއާއި, އަބޫ ސަނޫނެވެ. ނިއުގެ ފުރަތަމަ ލަނޑު ޖެހީ އިސްމާއީލް ވިފާގެވެ. ފަހު ލަނޑު ޖެހީ އާދަމް ޝިޔާން މުހައްމަދެވެ.

ނިއުރޭޑިއަންޓްގެ ސެމީފައިނަލް މެޗު އޮންނާނީ އަންނަ ހޯމަ ދުވަހު އެވެ. ސެމީފައިނަލްގައި ނިއުރޭޑިއަންޓާ ވިކްޓްރީ ވާދަކުރަން ޖެހިއްޖެ ނަމަ އަންނަ އަހަރުގެ ފުރަތަމަ ޑިވިޝަނުން ޖާގަ ލިބޭނީ މީގެތެރެއިން އެއް ޓީމަކަށެވެ. ރާއްޖޭގެ ފުޓްބޯޅައިގެ ގަދަ ދެބާރު އަލުން ފުރަތަމަ ޑިވިޝަނުން ޖާގަ ހޯދަން ކުރި މަސައްކަތް މިދިޔަ އަހަރު ކާމިޔާބެއް ނުވިއެވެ.

ކްއާޓާ ފައިނަލްގައި ވިކްޓްރީއާއި ކުޑަހެންވެއިރު ޔުނައިޓެޑް ވާދަކުރާނީ މާދަމާ އެވެ.