ކުޅުނު ދެ މެޗުން ވެސް ބަލިވެ، އިންޑިޔާ އޭޝިއަން ކަޕުން ކަޓައިފި
ދެ މެޗުން އިންޑިޔާ އަށް ޕޮއިންޓެއް ނުލިބުނު
އިންޑިޔާގެ ސުނިލް ޗެތްރީ ވަށާލައިގެން އިންޑިޔާގެ ކުޅުންތެރިން
ކުޅުނު ދެ މެޗުން ވެސް ބަލިވެ، އޭޝިއަން ކަޕުން އިންޑިޔާ ކަޓައިފި އެވެ.
މުބާރާތަށް ދުރާލައި ތައްޔާރުވި އިންޑިޔާ އިއްޔެ ކުޅުނު މެޗުން ބަލިވީ އުޒުބަކިސްތާން އަތުން 3-0އިންނެވެ. ފުރަތަމަ މެޗުގައި އޮސްޓްރޭލިޔާ އަތުން ބަލިވީ 2-0އިންނެވެ.
މިހެންވެ ގްރޫޕް ބީގައި ބާކީ އޮތް މެޗުން މޮޅުވިޔަސް އިންޑިޔާ އަށް ގްރޫޕުގެ ދެ ވަނަ އަށް ނުދެވޭނެ އެވެ.
ކޮންމެ ގްރޫޕަކުން ވެސް އެންމެ ގިނަ ޕޮއިންޓް ހޯދާ ދެ ޓީމު ދެ ވަނަ ބުރަށްދާ މުބާރާތުގައި މިވަގުތު ގްރޫޕުގެ އެއްވަނާގައިވަނީ ދެ މެޗުން ހަ ޕޮއިންޓާއެކު އޮސްޓްރޭލިޔާ އެވެ. ދެ ވަނާގައިވަނީ ހަތަރު ޕޮއިންޓާއެކު އުޒުބަކިސްތާނެވެ. ތިން ވަނާގައިވަނީ އެއް ޕޮއިންޓާއެކު ސީރިއާ އެވެ. އިންޑިޔާ އަށް ޕޮއިންޓެއް ނުލިބެ އެވެ. މިހެންވެ ސީރިއާ މެޗުން މޮޅުވިޔަސް އިންޑިޔާ އަށް ލިބޭނީ ތިން ޕޮއިންޓެވެ.
އިނޑިޔާގެ ކޯޗު އިއަގޯ ސްޓިމަކް ބުނީ އޭނާ އަށް މަސައްކަތް ކުރެވޭނީ ލިބިފައިތިބި ކުޅުންތެރިންނާއެކު ކަމަށާއި މޮޅު ޓީމުތަކާއެކު ވާދަކުރެވޭނީ މޮޅު ކުޅުންތެރިންނާއި ސީރިއަސްވެގެން ކަމަށެވެ.
